வாழைப்பழம் என்பது உலகளவில் அதிகமாக உபயோகிக்கப்படும் பழங்களில் ஒன்று. இதில் உள்ள ஊட்டச்சத்துகள், மனித உடலுக்கு பல்வேறு வகையான நன்மைகளை வழங்குகின்றன. ஆனால் இந்த பழத்தை எப்போது, எவ்வாறு சாப்பிட வேண்டும் என்பதையும், யாருக்கு இது ஏற்றமல்ல என்பதைப் பற்றியும் பலருக்கு தெளிவில்லை. சரியான நேரத்தில், சரியான முறையில் வாழைப்பழத்தைச் சாப்பிடும்போது மட்டுமே அதன் முழு பலனை நாம் பெற முடியும்.
வாழைப்பழத்தில் கலோரிகள் குறைவாகவே இருப்பதால், இது எடைக் குறைக்கும் நோக்கத்திலும் ஏற்றது. அதே நேரத்தில், நார்ச்சத்து, பொட்டாசியம், வைட்டமின் B6 மற்றும் சி போன்ற முக்கிய ஊட்டச்சத்துக்களும் இதில் அதிகம் உள்ளன. இவை எல்லாம் ஜீரணத்தை மேம்படுத்துவதுடன், உடல் உற்சாகமாக இருக்க உதவுகின்றன. ஆனால், முழுமையாக பழுத்த பழத்தைவிட பாதி பழுத்த நிலை சிறந்ததாகக் கருதப்படுகிறது, ஏனெனில் இதில் நார்ச்சத்து அதிகம் இருக்கும், சர்க்கரை அளவு குறைவாகவே இருக்கும்.
மிகவும் கனிந்த வாழைப்பழத்தில் இயற்கை சர்க்கரை அதிகம் காணப்படும். இது சிலருக்கு இன்சுலின் சுரப்பை தூண்டக்கூடும். குறிப்பாக நீரிழிவு, இன்சுலின் எதிர்ப்பு போன்ற பிரச்சனைகள் உள்ளவர்கள் அதிகம் பழுத்த வாழைப்பழங்களை தவிர்ப்பது சிறந்தது. மேலும், இந்த அளவிற்கு பழுத்த வாழைப்பழங்களில் நார்ச்சத்து குறைந்து விடுவதால், உண்மையான சத்துகளைப் பெற முடியாமல் போகும்.
வாழைப்பழம் சாப்பிட சிறந்த நேரம் காலை. காலை நேரத்தில் இதை சாப்பிடுவது ரத்த அழுத்தத்தைக் கட்டுப்படுத்தவும், ஜீரணத்தை தூண்டவும் உதவுகிறது. ஆனால் வெறும் வயிற்றில் தினமும் வாழைப்பழம் சாப்பிடுவது சிலருக்கு அமிலத்தன்மை பிரச்சனையை ஏற்படுத்தலாம். எனவே, சிறிய அளவிலாவது வேறு உணவுடன் சேர்த்து சாப்பிடுவது நல்லது.
