கரூர்: விக்கிரவாண்டி இடைத்தேர்தலின் போது, முன்னாள் முதல்வர் குறித்து அவதூறாகப் பேசினார் கொறடா துரைமுருகன். இதை நியாயப்படுத்தி நாம் தமிழர் கட்சி ஒருங்கிணைப்பாளர் சீமான் பிரசாரத்தில் பேசினார்.
இதற்கு பல்வேறு அமைப்புகள் கண்டனம் தெரிவித்தன. சீமான் மீது பல்வேறு மாவட்டங்களில் வழக்கு பதிவு செய்யப்பட்டது.
இந்நிலையில், கலைஞரை அவதூறாக பேசிய சீமான் மீது நடவடிக்கை எடுக்க வேண்டும் என கரூர் குற்றவியல் நீதித்துறை எண்.1-ல் கடந்த 7-ம் தேதி தாக்கல் செய்த மனுவில் கரூரைச் சேர்ந்த வழக்கறிஞர் தமிழ் ராஜேந்திரன் குறிப்பிட்டிருந்தார்.
இந்த மனுவை நேற்று விசாரித்த நீதிபதி பரத்குமார், இது தொடர்பாக எப்ஐஆர் பதிவு செய்து விசாரணை அறிக்கை தாக்கல் செய்ய தாந்தோணிமலை காவல் நிலையத்துக்கு உத்தரவிட்டார்.
