மணப்பாறை: கூட்டணிக்கு வாங்க… தேமுதிக இண்டியா கூட்டணிக்கு வரவேண்டும் என்று கரூா் மக்களவைத் தொகுதி காங்கிரஸ் உறுப்பினா் செ. ஜோதிமணி தெரிவித்தார்.
திருச்சி மாவட்டம், மணப்பாறையில் அவர் செய்தியாளா்களிடம் கூறியதாவது: தமிழக ஆளுநா், மக்களால் தோ்ந்தெடுக்கப்பட்ட பேரவையை அவமதிப்பதையே முழு நேர வேலையாக கொண்டுள்ளார். அவா் தமிழகத்தை பற்றி அவதூறு பரப்பி, கண்ணியத்தை களங்கப்படுத்தி வருகிறார்.
பாஜகவுடனான கூட்டணியை அதிமுக தொண்டா்களே விரும்பவில்லை. அதிமுக எந்தக் கூட்டணியில் இருந்தாலும், தமிழ்நாட்டிற்கு ஒரு ஆபத்து வருகிறது, தமிழ்நாட்டின் அமைதிக்கும், நல்லிணக்கத்துக்கும் ஒரு பெரிய பிரச்னை வருகிறது என்றால் எதிர்த்து பேச வேண்டும். ஆனால், அதிமுக அதுபோல் பேசுவதில்லை.
தேமுதிக இண்டியா கூட்டணிக்கு வர வேண்டுமென நாங்கள் விரும்புகிறோம். விஜயகாந்த் தமிழ்நாட்டின் மீது பற்றுள்ளவா். தமிழ்நாட்டின் நலன்களை முன்னிறுத்தியவா்.
அந்த பாரம்பரியத்தின்படி தேமுதிக இண்டியா கூட்டணிக்கு வந்தால் நன்றாக இருக்கும் என எண்ணுகிறேன். இவ்வாறு அவர் தெரிவித்தார்.
