திருச்சி: திருச்சி மாவட்டம் திருவெறும்பூரில் இன்று செய்தியாளர்களிடம் அவர் கூறியதாவது:-
தமிழகத்தில் மும்மொழிக் கொள்கையை ஒருபோதும் ஏற்க முடியாது. மதிமுகவைப் பொறுத்தவரை பதவி என்பது இருமொழிக் கொள்கை. மற்றபடி சமஸ்கிருதம், இந்தியை மூன்றாம் மொழியாக திணிப்பதை ஏற்க முடியாது.
வெளிநாட்டு மொழிகள் உட்பட மாணவர்கள் எதை வேண்டுமானாலும் படிக்கலாம் என்றால், மூன்றாம் மொழியை ஏற்றுக் கொள்வோம். ஐபிஎஸ் படித்த பெண் அதிகாரி, பொது இடத்தில் ஆபாசமாக இணையதளத்தில் பதிவிடுவதை ஒருபோதும் ஏற்றுக்கொள்ள முடியாது.
இதை நான் கண்டிக்கிறேன். இந்த பிரச்சனைக்கு நாம் தமிழர் கட்சி தலைமை ஒருங்கிணைப்பாளர் சீமான் முற்றுப்புள்ளி வைக்க வேண்டும். இத்தகைய போக்கை வன்மையாக கண்டிக்கிறேன்.
அதே சமயம் தமிழகத்தில் நல்ல அரசியல் சூழலும் நாகரீகமான அரசியல் சூழலும் அமைய அண்ணன் சீமானை ஒரு சகோதரன் என்ற முறையில் கேட்டுக்கொள்கிறேன். கொள்கை ரீதியான தாக்குதல்கள் ஜனநாயகமாக இருக்கலாம்.
ஆனால் தனிப்பட்ட தாக்குதல் இல்லை. அண்ணாமலை போன்ற படித்த இளைஞர்கள் அரசியலுக்கு முன்னுதாரணமாக செயல்பட வேண்டும். இந்தப் போக்கு அண்ணாமலைக்கும் அவரது இயக்கத்துக்கும் நல்லதல்ல” என்று துரை வைகோ கூறினார்.
