சென்னை: சுதந்திர தினத்தன்று ஆளுநர் நடத்தும் தேநீர் விருந்தை புறக்கணிக்கப் போவதாக தமிழ்நாடு காங்கிரஸ் கமிட்டி அறிவித்துள்ளது.
இது தொடர்பாக, தமிழ்நாடு காங்கிரஸ் கமிட்டித் தலைவர் செல்வப்பெருந்தகை ஒரு எக்ஸ் பதிவை வெளியிட்டு, ‘பதவியேற்ற காலம் முதல் தமிழக மக்களுக்கும், நிலத்தின் உரிமைகளுக்கும் எதிராக செயல்பட்டு வரும் தமிழக ஆளுநரை கண்டித்தும், மத்திய பாஜக அரசின் தூண்டுதலின் பேரில் வாக்காளர் பட்டியலில் தீவிர திருத்தம் என்ற போர்வையில் வாக்காளர் பட்டியலில் முறைகேடுகளை உருவாக்கும் இந்திய தேர்தல் ஆணையத்தை கண்டித்து புறக்கணிக்குறோம்.
கலைஞர் பெயரில் கும்பகோணத்தில் ஒரு பல்கலைக்கழகத்தை நிறுவுவதற்கான மசோதாவை குடியரசுத் தலைவருக்கு அனுப்புவதில் ஆளுநர் வேண்டுமென்றே தாமதம் செய்ததைக் கண்டித்தும், தமிழக காங்கிரஸ் சட்டமன்ற உறுப்பினர்கள் சுதந்திர தினத்தன்று அவர் நடத்தும் தேநீர் விருந்தை புறக்கணிக்கின்றனர்’ என்று தெரிவித்துள்ளார்.
