சென்னை: சென்னை விமான நிலையத்தில் கடந்த சில நாட்களாக விமான சேவை திடீரென ரத்து செய்யப்பட்டது. நிர்வாக காரணங்களால் விமானங்கள் ரத்து செய்யப்படுவதாக அறிவிக்கப்படுவதால் பயணிகள் தொடர்ந்து அவதிப்பட்டு வருகின்றனர். அந்த வகையில், புவனேஸ்வர், கொல்கத்தா, பெங்களூரு, திருவனந்தபுரம் மற்றும் சிலிகுரியில் இருந்து 6 புறப்படும் விமானங்கள் மற்றும் 6 வருகை விமானங்கள் என மொத்தம் 12 விமானங்கள் ஒரே நாளில் ரத்து செய்யப்பட்டுள்ளன.
இந்த விமானங்கள் அனைத்தும் ஏர் இந்தியா எக்ஸ்பிரஸ் நிறுவனத்திற்கு சொந்தமானது. நிர்வாக காரணங்களுக்காக இந்த விமானங்கள் ரத்து செய்யப்பட்டுள்ளதாக அறிவிக்கப்பட்டுள்ளது.
* காலை 9.40 மணிக்கு பெங்களூரு விமானம், 10.10 மணிக்கு திருவனந்தபுரம் விமானம் ரத்து.
*புவனேஸ்வருக்கு காலை 7.45 மணிக்கு புறப்படும் விமானமும், கொல்கத்தாவுக்கு காலை 8.25 மணிக்கு புறப்படும் விமானமும் ரத்து செய்யப்பட்டுள்ளன.
* சிலிகுரிக்கு பகல் 12.35 மணிக்கு விமானம், இரவு 10.45 மணிக்கு கொல்கத்தா விமானம் ரத்து.
*மதியம் 1.40 மணிக்கு சென்னைக்கு வர வேண்டிய திருவனந்தபுரம் விமானம் ரத்து செய்யப்படுகிறது
* சென்னைக்கு மதியம் 1.45 மணிக்கு கொல்கத்தா விமானம், மாலை 6.40 மணிக்கு சிலிகுரி விமானம் ரத்து.
* காலை 9 மணிக்கு சென்னைக்கு வரவிருந்த பெங்களூரு விமானம், மதியம் 12 மணிக்கு புவனேஸ்வர் விமானம் ரத்து
* இரவு 10.05 மணிக்கு சென்னைக்கு வரவிருந்த கொல்கத்தா விமானம் ரத்து
