சென்னை: கேரளாவின் மலப்புரம் மாவட்டத்தைச் சேர்ந்த 24 வயது இளைஞர் நிபா வைரஸ் பாதிப்பால் உயிரிழந்தார். அவருடன் தொடர்பில் இருந்த 151 பேர் மருத்துவ கண்காணிப்பில் உள்ளனர்.
அவர்களில் 5 பேருக்கு நிபா வைரஸ் அறிகுறி உள்ளது. இதையடுத்து, தமிழகம் உள்ளிட்ட அண்டை மாநிலங்களில் தொற்று நோய் பரவாமல் தடுக்கும் நடவடிக்கைகள் தீவிரப்படுத்தப்பட்டுள்ளன. இதுகுறித்து அவர் கூறியதாவது:-
தமிழகத்தில் நிபா வைரஸ் பரவாமல் தடுக்க, கேரள எல்லையோர மாவட்டங்களில் உள்ள சோதனைச் சாவடிகளில் மருத்துவக் கண்காணிப்பு தீவிரப்படுத்தப்பட்டுள்ளது. நீலகிரி, கோவை, திருப்பூர், தேனி, தென்காசி, கன்னியாகுமரி மாவட்டங்களில், 24 மணி நேரமும் சுழற்சி முறையில் சுகாதாரக் குழுக்கள் பணியில் ஈடுபடுத்த உத்தரவிடப்பட்டுள்ளது.
எல்லையோர மாவட்டங்களில் கண்டறியப்பட்ட காய்ச்சல் குறித்த முழு தகவலையும் அனுப்ப சுகாதாரத்துறைக்கு உத்தரவிடப்பட்டுள்ளது. கேரளாவில் இருந்து வருபவர்களை மருத்துவ பரிசோதனை செய்து காய்ச்சல் அறிகுறி இல்லை என உறுதி செய்த பிறகே தமிழகத்திற்குள் அனுமதிக்க வேண்டும்.
தொற்று ஏற்பட்டால், அவர்கள் தனிமைப்படுத்தப்பட்டு தகுந்த சிகிச்சைக்கு ஏற்பாடு செய்ய வேண்டும்.
அறிகுறிகள்: காய்ச்சல், சளி, இருமல், தலைவலி, சுவாசிப்பதில் சிரமம், மனநிலை மாற்றங்கள் போன்ற அறிகுறிகள் தோன்றினால், உடனடியாக மருத்துவப் பரிசோதனை செய்ய வேண்டும். தமிழகத்தில் இதுவரை நிபா வைரஸ் பாதிப்பு இல்லை.
இருப்பினும், பொது இடங்களுக்குச் செல்லும்போது முகமூடி அணிந்தால், அனைத்து வகையான தொற்றுநோய்களிலிருந்தும் உங்களைப் பாதுகாத்துக் கொள்ளலாம். இவ்வாறு கூறினார்.
