கொடைக்கானல்: கொடைக்கானல் அருகே மானை கொன்று சாப்பிட்ட 6 பேரை வனத்துறையினர் கைது செய்தனர். மேலும் மானின் கால், தோல், தலை போன்றவற்றை அவர்களிடம் இருந்து பறிமுதல் செய்தனர்.
கொடைக்கானல் அருகே வாழைகிரியில் தனியார் தோட்ட வேலியில் சிக்கிய 2 வயது சாம்பார் இன மானை கொன்று சமைத்து சாப்பிட்ட 6 பேரை கைது செய்த வனத்துறையினர், மண்ணில் புதைக்கப்பட்டிருந்த மானின் தலை, கால், குடல், தோல் உள்ளிட்டவற்றையும் பறிமுதல் செய்தனர்.
பிடிபட்டவர்கள் மதுபோதையில் மான் கறி சாப்பிடுவதை வீடியோவாக எடுத்து வைத்து இருந்ததாகவும், அதை தங்கள் ஆதாரமாக எடுத்துக் கொண்டதாகவும் வனத்துறை கூறியுள்ளது.
