திருவண்ணாமலை: திருவண்ணாமலை மாவட்டத்தில் தொடர்ந்து பரவலாக மழை பெய்து வருகிறது. மேலும் சாத்தனூர் அணை முழு கொள்ளளவை எட்டியுள்ளது. திருவண்ணாமலை மாவட்டத்தில் நேற்று முன்தினம் முதல் தொடர்ந்து கனமழை பெய்து வருகிறது. அதன்படி அதிகபட்சமாக கலசப்பாக்கத்தில் 27 மி.மீட்டர் மழை பதிவாகியுள்ளது.
மேலும், செங்கத்தில் 4.6 மி.மீ., ஜமுனாமரத்தூரில் 6 மி.மீ., திருவண்ணாமலையில் 3.2 மி.மீ., தண்டராம்பட்டு 9.4 மி.மீ., கீழ்பென்னாத்தூரில் 18.6 மி.மீ., ஆரணியில் 6 மி.மீ., போளூரில் 1.6 மி.மீ., செய்யாறில் 5 மி.மீ., வந்தவாசியில் 10 மி.மீ., வந்தவாசியில் 10 மி.மீ., 115 மி.மீ. வெம்பாக்கத்தில் மி.மீ., சேத்துப்பட்டில் 14 மி.மீ. நேற்று பகல் முழுவதும் ஆங்காங்கே பெய்த மழை, மாலையில் இருந்து தீவிரமடைந்தது.
தொடர் மழையால் விவசாயிகள் மகிழ்ச்சியடைந்துள்ளனர். இந்நிலையில் சாத்தனூர் அணைக்கு நீர்வரத்து வினாடிக்கு 2300 கனஅடியை எட்டியதால் அணையின் மொத்த நீர்மட்டம் தற்போது 118 அடியாக உள்ளது. அணையின் மொத்த நீர் கொள்ளவான 7321 மில்லியன் கன அடியில் தற்போது 7108 மில்லியன் கன அடி நீர் இருப்பு உள்ளது. அணை முழுமையாக நிரம்ப இன்னும் ஒரு அடி மட்டுமே உள்ளது.
அணை முழு கொள்ளளவை எட்டியுள்ளதால் அணையின் பாதுகாப்பு கருதி அணையில் இருந்து தென்பெண்ணை ஆற்றின் மூலம் வினாடிக்கு 2300 ஆயிரம் கன அடி உபரி நீர் திறக்கப்பட்டுள்ளது. இதனால் தென்பெண்ணை ஆற்றில் தொடர்ந்து வெள்ளப்பெருக்கு ஏற்பட்டுள்ளது. இதனால் தென்பெண்ணை ஆற்றங்கரையோரம் உள்ள கிராம மக்களுக்கு வெள்ள அபாய எச்சரிக்கை விடுக்கப்பட்டுள்ளது.
மேலும் மழை தொடர வாய்ப்புள்ளதால் தென்பெண்ணையில் வெள்ளப்பெருக்கு மேலும் அதிகரிக்கும் என தெரிவிக்கப்பட்டுள்ளது. இதேபோல் செண்பகத்தோப்பு அணை, குப்பநத்தம் அணை, மிருகண்டா அணை ஆகியவையும் முழு கொள்ளளவை எட்டியுள்ளன. எனவே அணையின் பாதுகாப்பு கருதி அணைகளில் இருந்து உபரி நீர் திறக்கப்பட்டுள்ளது. எனவே, உபரி நீர் செய்யாறு மற்றும் கமண்டலநாகை ஆற்றில் திறந்து விடப்பட்டுள்ளது.
