சென்னை: தமிழகத்தில் இந்திய மருத்துவம் – ஹோமியோபதி துறையின் கீழ் அரும்பாக்கம் அறிஞர் அண்ணா அரசு இந்திய மருத்துவமனை வளாகத்தில் சித்த மருத்துவக் கல்லூரி, யுனானி மருத்துவக் கல்லூரி, திருநெல்வேலி மாவட்டம் பாளையங்கோட்டையில் சித்த மருத்துவக் கல்லூரி, மதுரை மாவட்டம் திருமங்கலத்தில் ஹோமியோபதி மருத்துவக் கல்லூரி, ஆயுர்வேத மருத்துவக் கல்லூரி ஆகியவை உள்ளன.
கன்னியாகுமரி மாவட்டம் நாகர்கோவில் அடுத்த கோட்டாறில் ஆயுர்வேத மருத்துவக் கல்லூரி ஆகியவை உள்ளன. இந்த 5 அரசு கல்லூரிகளில் உள்ள 330 இடங்களில் அகில இந்திய ஒதுக்கீட்டுக்கு 50 இடங்கள் ஒதுக்கப்பட்டுள்ளன.
மீதமுள்ள 280 இடங்கள் மாநில அரசுக்கு. அதேபோல், 30 தனியார் கல்லூரிகளில் உள்ள 1,980 இடங்களில் 15 சதவீதம் அகில இந்திய ஒதுக்கீட்டுக்கு வழங்கப்படுகிறது. மீதமுள்ள இடங்கள் மாநில அரசுக்கு 65 சதவீதம் மற்றும் நிர்வாக ஒதுக்கீட்டுக்கு 35 சதவீதம்.
அரசு இடஒதுக்கீடு, தனியார் கல்லூரி நிர்வாக ஒதுக்கீட்டு இடங்கள் மற்றும் அகில இந்திய ஒதுக்கீட்டு இடங்களுக்கான கலந்தாய்வை மாநில அரசு நடத்தி வருகிறது. அரசு கல்லூரிகளில் 15 சதவீத இடங்களுக்கு மட்டுமே மத்திய அரசு கவுன்சிலிங் நடத்துகிறது.
நீட் தேர்வில் தேர்ச்சி பெற்ற மாணவர்கள் 2024-25-ம் கல்வியாண்டுக்கான சேர்க்கை கவுன்சிலிங்கிற்கு சித்தா (பிஎஸ்எம்எஸ்), ஆயுர்வேதம் (பிஏஎம்எஸ்), யுனானி (பியூஎம்எஸ்), ஹோமியோபதி (பிஎச்எம்எஸ்) ஆகியவற்றுக்கு விண்ணப்பித்துள்ளனர்.
விண்ணப்பங்கள் பரிசீலனை செய்யப்பட்டு, தகுதியான மாணவர்களுக்கான ரேங்க் பட்டியல் நேற்று வெளியிடப்பட்டது. இந்தப் படிப்புகளுக்கான கவுன்சிலிங் வரும் 17ம் தேதி தொடங்கி 26-ம் தேதி வரை நடைபெறும் என அறிவிக்கப்பட்டது.
இந்நிலையில், சென்னைக்கு விடப்பட்டுள்ள கனமழை எச்சரிக்கை காரணமாக கவுன்சிலிங் தேதி தள்ளிவைக்கப்பட்டுள்ளது. இதுகுறித்து மாணவர் சேர்க்கை தேர்வுக்குழு செயலாளர் கிருஷ்ணவேணி கூறும்போது, “சென்னைக்கு கனமழை எச்சரிக்கை விடுக்கப்பட்டுள்ளது.
எனவே, சென்னையில் சித்தா, ஆயுர்வேதம், யுனானி, ஹோமியோபதி படிப்புகளுக்கான கலந்தாய்வு வரும் 17-ம் தேதி தொடங்குவதாக அறிவிக்கப்பட்டு ஒத்திவைக்கப்பட்டுள்ளது.
அதன்படி, சென்னை அரும்பாக்கம் சித்த மருத்துவமனை வளாகத்தில் வரும் 21-ம் தேதி கலந்தாய்வு தொடங்குகிறது. முதல் நாளில் மாற்றுத்திறனாளிகள், முன்னாள் ராணுவ வீரர்களின் வாரிசுதாரர்கள், விளையாட்டு வீரர்கள் மற்றும் 7.5 சதவீத உள் ஒதுக்கீட்டின் கீழ் உள்ள அரசுப் பள்ளி மாணவர்களுக்கான கலந்தாய்வு நடைபெறுகிறது.
பொதுப்பிரிவினருக்கான கவுன்சிலிங் வரும் 22-ம் தேதி முதல் 29-ம் தேதி வரை நடக்கிறது. கூடுதல் விவரங்களை சுகாதாரத் துறை இணையதளமான www.tnhealth.tn.gov.in-ல் தெரிந்து கொள்ளலாம்,” என்றார்.
