சென்னை: தமிழகத்தில் போதைப்பொருள் மற்றும் மது பயன்பாடு குறித்து தேசிய செயல்திட்டத்தின் கீழ் ஆய்வு நடத்தி அறிக்கை சமர்ப்பிக்க தமிழக அரசு ஒப்பந்தம் கோரியுள்ளது. தமிழக அரசு வெளியிட்டுள்ள ஒப்பந்த ஆவணத்தில் கூறியிருப்பதாவது: ‘போதையில்லா தமிழகம்’ அடைய தமிழக அரசு பல திட்டங்களை செயல்படுத்தி வருகிறது.
இந்நிலையில், மத்திய அரசிடம் இருந்து நிதி பெறுவதற்காக, மருந்து தேவை குறைப்புக்கான தேசிய செயல் திட்டத்தின் கீழ், தமிழகத்தில் போதைப்பொருள் மற்றும் மது பயன்பாடு குறித்து ஆய்வு நடத்த, தமிழக குழந்தைகள் நல மற்றும் சிறப்பு பணிகள் துறை முடிவு செய்துள்ளது. தமிழகத்தில் போதைப்பொருள் மற்றும் மதுவின் பயன்பாடு, நுகர்வோர் பயன்படுத்தும் விதம், அவற்றைப் பயன்படுத்தும் நுகர்வோரின் சமூக-பொருளாதார அடையாளம் மற்றும் பின்னணி ஆகியவற்றைப் புரிந்துகொண்டு, அவற்றின் நுகர்வு அதிகம் உள்ள பகுதிகளைக் கண்டறிந்து, உருவாக்குவது இந்த ஆய்வின் நோக்கம்.
ஆதார அடிப்படையிலான கொள்கைகள் மற்றும் அவற்றின் பயன்பாட்டைத் தடுப்பதற்கான திட்டங்களை வகுப்பது ஆகியவை இந்த ஆய்வின் நோக்கம் ஆகும். இந்த ஆய்வு ஒரு கலவையான முறையைப் பின்பற்றும். குறிப்பாக, தமிழகத்தில் 18-25 வயதுக்குட்பட்ட போதைப்பொருள் மற்றும் மது அருந்துபவர்களிடம் கணக்கெடுப்பு நடத்தப்படும். இந்த ஆய்வை நடத்த தகுதியான நிறுவனங்கள் கோரப்படலாம். இவ்வாறு அதில் கூறப்பட்டுள்ளது.
