பெண்களுக்கு எதிரான குற்றங்கள் அதிகரித்துள்ளதாகவும், போதைப்பொருள் கடத்தல் அதிகரித்து வருவதாகவும், கொலைகள் நடப்பதாகவும், சட்டம் ஒழுங்கு சீர்குலைந்துள்ளதாகவும் எதிர்க்கட்சிகள் குற்றம் சாட்டி வருகின்றன. இந்தப் பிரச்சினையில் அதிக கவனம் செலுத்தி குற்றமற்ற தமிழகத்தை உருவாக்குமாறு அனைத்து மாவட்ட காவல்துறையினருக்கும் டிஜிபி சங்கர் ஜிவால் அறிவுறுத்தியுள்ளார்.
இதைத் தொடர்ந்து, டிஜிபி சங்கர் ஜிவால் நேற்று காலை தனது அலுவலகத்தில் காவல்துறை அதிகாரிகளுடன் ஆலோசனை நடத்தினார். இந்தக் கூட்டத்தில், கூடுதல் டிஜிபி (சட்டம் ஒழுங்கு) டேவிட்சன் தேவாசீர்வாதம் மற்றும் சென்னை, ஆவடி மற்றும் தாம்பரம் காவல் ஆணையரக அலுவலக அதிகாரிகள் பங்கேற்றனர். மாவட்ட காவல் அதிகாரிகள் வீடியோ கான்பரன்சிங் மூலம் பங்கேற்றனர்.
இந்த ஆலோசனைக் கூட்டத்தில், போதைப்பொருள் ஒழிப்பு, பாலியல் விவகாரங்கள், கொலை மற்றும் கொள்ளை உள்ளிட்ட பல்வேறு குற்றச் செயல்களை முழுமையாகத் தடுப்பது குறித்து விரிவான ஆலோசனைகள் மற்றும் அறிவுறுத்தல்கள் வழங்கப்பட்டன.
