ராமேஸ்வரம்: தென்மேற்கு பருவமழை தொடங்கியதால் மன்னார் வளைகுடா மற்றும் பாக் ஜலசந்தியில் மணிக்கு 40 முதல் 50 கிலோமீட்டர் வேகத்தில் சூறாவளி காற்று வீசக்கூடும் என்று வானிலை ஆய்வு மையம் அறிவித்திருந்தது. அதன்படி, கடந்த ஒரு வாரமாக தனுஷ்கோடி, முகுந்தராயர் சத்திரம் மற்றும் அரிச்சல்முனை கடலோரப் பகுதிகளில் தூசி மற்றும் மணல் வீசி வருகிறது.
இதனால், ராமேஸ்வரம் முதல் தனுஷ்கோடி அரிச்சல்முனை வரையிலான தேசிய நெடுஞ்சாலை சில இடங்களில் மணலால் மூடப்பட்டுள்ளது. இதேபோல், அரிச்சல்முனை பகுதியும் மணலால் நிரம்பியுள்ளது. இதனால், தனுஷ்கோடிக்குச் செல்லும் வாகன ஓட்டிகள் மற்றும் பொதுமக்கள் பெரும் சிரமங்களை எதிர்கொள்கின்றனர்.
தனுஷ்கோடி கடல் பகுதி கொந்தளிப்பாகக் காணப்படுவதால், சுற்றுலாப் பயணிகள் கடலுக்கு அருகில் செல்ல வேண்டாம் என்று காவல்துறை எச்சரித்துள்ளது. முகுந்தராயர் சத்திரம், தனுஷ்கோடி மற்றும் அரிச்சல்முனை கடல் பகுதிகளில் சுற்றுலாப் பயணிகள் மற்றும் பக்தர்கள் கடலுக்குள் சென்று குளிக்க தடை விதிக்கப்பட்டுள்ளது. மேலும், மாலை 5 மணிக்குப் பிறகு தனுஷ்கோடி பகுதிக்குச் செல்ல சுற்றுலாப் பயணிகள் அனுமதிக்கப்படவில்லை.
