சென்னை: தென்மேற்கு வங்கக் கடலில் நிலவும் வளிமண்டலத்தில் குறைந்த காற்றழுத்த தாழ்வு நிலை, அதே பகுதிகளில் நிலவி வருகிறது. இதன் காரணமாக அடுத்த 36 மணி நேரத்தில் தென்மேற்கு வங்கக்கடலில் குறைந்த காற்றழுத்த தாழ்வு பகுதி உருவாக வாய்ப்புள்ளது.
இது அடுத்த 2 நாட்களில் தமிழகம் – இலங்கை கடலோரப் பகுதிகளை நோக்கி மேற்கு நோக்கி மெதுவாக நகரக்கூடும். இதன் காரணமாக இன்று முதல் 12-ம் தேதி வரை ஒரு சில இடங்களிலும், 13, 14, 15 தேதிகளில் பெரும்பாலான இடங்களிலும், 16-ம் தேதி ஒரு சில இடங்களிலும் இடி, மின்னலுடன் லேசானது முதல் மிதமானது வரை மழை பெய்யக்கூடும்.
நாகப்பட்டினம், மயிலாடுதுறை மாவட்டங்கள் மற்றும் காரைக்கால் பகுதிகளில் நாளை கனமழை பெய்ய வாய்ப்புள்ளது. நாளை மறுநாள் டெல்டா மாவட்டங்களான செங்கல்பட்டு, விழுப்புரம், கடலூர் மற்றும் தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, ராமநாதபுரம் மாவட்டங்கள் மற்றும் புதுச்சேரி, காரைக்கால் ஆகிய டெல்டா மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.
13-ம் தேதி சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, விழுப்புரம், கடலூர், டெல்டா மாவட்டங்கள், புதுக்கோட்டை, ராமநாதபுரம், தூத்துக்குடி மாவட்டங்கள் மற்றும் புதுச்சேரி, காரைக்கால் பகுதிகளில் ஓரிரு இடங்களில் கனமழை பெய்ய வாய்ப்புள்ளது.
14-ம் தேதி சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, திருவண்ணாமலை, கள்ளக்குறிச்சி, விழுப்புரம், கடலூர், டெல்டா மாவட்டங்கள், புதுக்கோட்டை, சிவகங்கை, ராமநாதபுரம், நீலகிரி, கோவை, திருப்பூர், திண்டுக்கல், தூத்துக்குடி, திருநெல்வேலி, கன்னியாகுமரி மாவட்டங்கள். ஒரு சில இடங்களில் கனமழை பெய்ய வாய்ப்புள்ளது.
15-ம் தேதி சென்னை, திருவள்ளூர், காஞ்சிபுரம், செங்கல்பட்டு, வேலூர், ராணிப்பேட்டை, திருவண்ணாமலை, கள்ளக்குறிச்சி, விழுப்புரம், கடலூர், டெல்டா மாவட்டங்கள், புதுக்கோட்டை, சிவகங்கை, ராமநாதபுரம், திண்டுக்கல், மதுரை, விருதுநகர், தேனி, தென்காசி, தூத்துக்குடி, திருநெல்வேலி, கன்னியாகுமரி மேலும் புதுச்சேரி மற்றும் காரைக்கால் பகுதிகளில் ஒரு சில இடங்களில் கனமழை பெய்ய வாய்ப்புள்ளது.
சென்னை மற்றும் புறநகர் பகுதிகளில் இன்றும் நாளையும் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடி மற்றும் மின்னலுடன் லேசானது முதல் மிதமானது வரை மழை பெய்ய வாய்ப்புள்ளது. இன்று காலை 8.30 மணியுடன் நிறைவடைந்த 24 மணி நேர மழையின்படி, அதிகபட்சமாக நாகப்பட்டினம் மாவட்டம் வேளாங்கண்ணி, கன்னியாகுமரி மாவட்டம் குருந்தன்கோடு, பெரம்பலூர் மாவட்டம் வேப்பந்தட்டை, சென்னை புழல், அம்பத்தூர், வானகரம், பெரம்பலூர் மாவட்டம் தழுதலை, அகரம் சீக்கூரில் தலா 2 செ.மீ மழை பதிவாகியுள்ளது.
நாகப்பட்டினம் மாவட்டம் வேதாரண்யம், திருப்பூண்டி, திருவள்ளூர் மாவட்டம் பூந்தமல்லி, கும்மிடிப்பூண்டி, கன்னியாகுமரி மாவட்டம் இரணியல் ஆகிய இடங்களில் தலா 1 செ.மீ மழை பதிவாகியுள்ளது. தமிழகத்தின் கடலோரப் பகுதிகள், மன்னார் வளைகுடா மற்றும் அதை ஒட்டியுள்ள குமரி கடல் பகுதிகளில் இன்று முதல் 13-ம் தேதி வரை மணிக்கு 35 முதல் 45 கிமீ வேகத்தில் சூறாவளி காற்று வீசக்கூடும் என்றும், அவ்வப்போது மணிக்கு 55 கிமீ வேகத்தில் காற்று வீசக்கூடும்.
எனவே மீனவர்கள் இப்பகுதிகளுக்கு செல்ல வேண்டாம் என அறிவுறுத்தப்பட்டுள்ளனர். இவ்வாறு அந்த செய்திக்குறிப்பில் தெரிவிக்கப்பட்டுள்ளது.
