சென்னை: கோயம்பேடு-கிளாம்பாக்கம் இடையே இயக்கப்படும் தடம் எண் 70வி பேருந்தில் ஒப்பந்த நிறுவனத்தைச் சேர்ந்த டிரைவர் சரவணன், கண்டக்டர் சிவசங்கர் ஆகியோர் பணியில் இருந்தனர். அப்போது, ரீல்களை படம்பிடித்துக் கொண்டிருந்த போது நடத்துனர் டிரைவரை அணுகினார்.
இதைப் பார்த்த டிரைவரும் ரீல்களை படம்பிடித்துக் கொண்டே பேருந்தை ஓட்டினார். இந்த ரீல் வீடியோ சமூக வலைதளங்களில் வேகமாக பரவியது. இதற்கு பொதுமக்கள் மற்றும் போக்குவரத்து ஆர்வலர்கள் கடும் கண்டனம் தெரிவித்தனர். இந்நிலையில், டிரைவர் மற்றும் கண்டக்டரை மாநகர போக்குவரத்து கழகம் சஸ்பெண்ட் செய்துள்ளது. இது தொடர்பாக வெளியிடப்பட்டுள்ள அறிவிப்பில், “வீடியோ பதிவு செய்த சம்பவம் தொடர்பாக ஓட்டுநர் மற்றும் நடத்துனரிடம் உரிய விசாரணை நடத்தப்பட்டு தற்போது அவர்கள் சஸ்பெண்ட் செய்யப்பட்டுள்ளனர்.
மேலும், மாநகர போக்குவரத்து கழகத்தில் பணிபுரியும் நிரந்தர மற்றும் ஒப்பந்த ஓட்டுனர்கள் மற்றும் நடத்துனர்கள் அனைவரும் பணியின் போது செல்போன் பயன்படுத்த வேண்டாம் என அறிவுறுத்தப்பட்டுள்ளது. இதனிடையே, பேருந்தில் நிரந்தர ஊழியர் ஒருவர் இருக்க வேண்டும் என மாநகர போக்குவரத்துக் கழக நிர்வாக இயக்குனர் உத்தரவிட்டுள்ள நிலையில், விதிகளை மீறி, இரண்டு தற்காலிக பணியாளர்களை பணியமர்த்திய அதிகாரிகள் மீது நடவடிக்கை எடுக்க வேண்டும் என, தொழிற்சங்கங்கள் வலியுறுத்தியுள்ளன.
