செங்கல்பட்டு: இட நெருக்கடி காரணமாக, சென்னை புழல் சிறையில் இருந்த 41 கைதிகள், பலத்த போலீஸ் பாதுகாப்புடன், நேற்று செங்கல்பட்டு கிளை சிறைக்கு மாற்றப்பட்டனர்.
சென்னை அருகே புழல் 77 ஏக்கர் பரப்பளவில் சிறை உள்ளது. இந்த வளாகத்தில் உள்ள 3 சிறைகளில், தடுப்புக் கைதிகள் மற்றும் கைதிகள் அடைக்கப்பட்டுள்ளனர். இதில் புழல்-2 சிறையில் 1,250 கைதிகளை மட்டுமே அடைக்கக் கூடிய உள்கட்டமைப்பு உள்ளது. ஆனால் இந்த சிறையில் எண்ணிக்கையை விட அதிகமான கைதிகள் இருந்தனர்.
இதனால் இட நெருக்கடி ஏற்பட்டுள்ளது. இதையடுத்து, புழல்-2 சிறையில் உள்ள குற்றவாளிகள் 41 பேர் பலத்த போலீஸ் பாதுகாப்புடன் நேற்று செங்கல்பட்டு கிளை சிறைக்கு மாற்றப்பட்டனர்.
செங்கல்பட்டு கிளைச் சிறை சுமார் 2 ஏக்கர் பரப்பளவு கொண்டது. இதில் 150 கைதிகள் தங்கும் வசதி உள்ளது. சமீபத்தில், செங்கல்பட்டு சிறைச்சாலையில், 1.6 கோடி ரூபாய் மதிப்பில் கட்டப்பட்டுள்ள கூடுதல் கட்டடத்தை, முதல்வர் திறந்து வைத்தார். புழல் சிறையில் கைதிகள் எண்ணிக்கை குறைவாக இருப்பதால், சிறையிலிருந்து கைதிகள் மாற்றப்பட்டுள்ளதாக சிறைத்துறை தெரிவித்துள்ளது.
