தென்காசி: தென்காசி மாவட்ட ஆட்சியர் அலுவலகத்தில் விவசாயிகள் குறைதீர் கூட்டம் கலெக்டர் ஏ.கே.கமல் கிஷோர் தலைமையில் இன்று நடந்தது. கூட்டத்தில் அனைத்து துறை அலுவலர்கள் கலந்து கொண்டனர்.
கூட்டத்தில் விவசாயிகள் கூறியதாவது:-
தென்காசி மாவட்டத்தில் மேற்கு தொடர்ச்சி மலை அடிவாரத்தில் உள்ள வடகரை, மேக்கரை, அச்சன்புதூர், கடையநல்லூர், செங்கோட்டை உள்ளிட்ட அனைத்து பகுதிகளிலும் வன விலங்குகள் விவசாய பயிர்களை சேதப்படுத்தி வருகின்றன.
வடகரை, அச்சன்புதூர் பகுதிகளில் 12-க்கும் மேற்பட்ட யானைகள் மற்றும் எருமைகள், சிறுத்தைகள் மற்றும் காட்டுப்பன்றிகள் உயிரிழப்பை ஏற்படுத்துகின்றன. வனத்துறையினர் எவ்வளவோ முயன்றும் யானைகள் வனப்பகுதிக்குள் நுழையாமல் தொடர்ந்து விவசாய நிலங்களில் அத்துமீறி புகுந்து சேதப்படுத்தி வருகின்றன.
பகலில் கூட விவசாய நிலங்களுக்கு செல்ல அச்சமாக உள்ளது. யானைகள் உள்ளிட்ட வன விலங்குகளை நிரந்தர வனப்பகுதிக்குள் விரட்டி, அகழிகள், வேலிகள் அமைக்க வேண்டும். மாவட்ட வன அலுவலர் நியமிக்க வேண்டும்.
கிராம நிர்வாக அலுவலகங்களில் வனத்துறை சார்பில் பதிவேடு வைத்து வன விலங்குகளால் ஏற்படும் சேதங்களை பதிவு செய்ய வேண்டும். ஒவ்வொரு மாதமும் குறைதீர் கூட்டத்தில் தடுப்பணைகள், குளங்கள், விதைகள், உரங்களில் உள்ள நீர் இருப்பு, வன விலங்குகளால் ஏற்படும் பாதிப்புகள் குறித்தும் தெரிவித்து, நிவாரணம் வழங்க நடவடிக்கை எடுக்க வேண்டும்.
வடகரையில் இருந்து அடவிநயினார் அணைக்கு செல்லும் சாலையை ஒட்டி ஏராளமான விவசாய நிலங்கள் உள்ளது. விவசாயிகள் இரவில் காவலுக்கு செல்கின்றனர். வன விலங்குகள் நடமாட்டம் அதிகம் உள்ள இந்த சாலையில் மின் விளக்குகள் இல்லை.
எனவே, மின் விளக்கு வழங்க நடவடிக்கை எடுக்க வேண்டும்,” என்றனர் விவசாயிகள்.
