மத்திய காங்கிரஸ் அரசு கொண்டு வந்த அவசரநிலை பிரகடனத்தின் 50-வது ஆண்டு நிறைவு குறித்த விழிப்புணர்வு கருத்தரங்கு நேற்று திருச்சிராப்பள்ளியில் நடைபெற்றது. சிறப்பு விருந்தினராகப் பங்கேற்ற பாஜக மூத்த தலைவர் எச். ராஜா செய்தியாளர்களிடம் கூறியதாவது:-
நாட்டில் அவசரநிலையைக் கொண்டு வந்து ஜனநாயகத்தின் குரலை நசுக்கிய காங்கிரஸ் கட்சியுடன் திமுக தற்போது கூட்டணியில் உள்ளது. இந்தியாவில் அதிக போதைப்பொருட்களை உட்கொள்ளும் மாநிலம் பஞ்சாப். இப்போது தமிழகமும் அதில் இணைந்துள்ளது. போதைக்கு அடிமையாக்கி எதிர்கால சமூகத்தை அழிக்க திமுக அரசு தொடர்ந்து முயற்சிப்பது அடுத்த தலைமுறைக்கு ஆபத்தானது.
திமுக கூட்டணியில் பல்வேறு சிக்கல்கள் உள்ளன. மதிமுக பொதுச் செயலாளர் வைகோ அதிக இடங்களைக் கேட்டதால், அவர்கள் கட்சியை உடைக்கத் தொடங்கி, திமுகவில் ஒரு முக்கிய நிர்வாகியைச் சேர்த்துள்ளனர். தமிழ்நாட்டில் தேசிய ஜனநாயகக் கூட்டணியின் முதல்வர் வேட்பாளர் யார் என்பதை பாஜக தலைமையும் கூட்டணித் தலைவர்களும் முடிவு செய்வார்கள்.
மோடி டெல்லியில் இருப்பது போல, பழனிசாமி தமிழ்நாட்டிலும் இருப்பார் என்று அமித் ஷா கூறியுள்ளார். எனவே, பாஜக தலைவர்கள் அவர்களின் பேச்சைக் கேட்ட பின்னரே முடிவு செய்வார்கள். பாஜக-அதிமுக கூட்டணி குறித்து திமுக கவலைப்படக்கூடாது. இவ்வாறு அவர் கூறினார்.
