நாடு முழுவதும் ஒரு கோடிக்கும் மேற்பட்ட மத்திய அரசு ஊழியர்கள் உள்ளனர். இது அவர்களுக்கும் அவர்களது குடும்பத்தினருக்கும் மகிழ்ச்சியான அறிவிப்பு. மன்மோகன் சிங் ஆட்சிக் காலத்தில் 2014-ம் ஆண்டு 7-வது சம்பள கமிஷன் அமைக்கப்பட்டு, புதிய சம்பள விகிதங்கள் 2016-ல் செயல்படுத்தப்பட்டன. இன்னும் 10 ஆண்டுகள் உள்ள நிலையில், இன்னும் சம்பள கமிஷன் அமைக்கப்படவில்லை என்று கவலைப்பட்ட அனைத்து மத்திய அரசு ஊழியர்களும் இப்போது உற்சாகத்தில் உள்ளனர்.
புதிய சம்பள விகிதங்கள் ஜனவரி 1, 2026 முதல் அமலுக்கு வரும் என்று கூறப்படுவதால் ஊழியர்கள் இரட்டிப்பு மகிழ்ச்சியில் உள்ளனர். மத்திய அரசு ஊழியர்களின் சம்பளம் திருத்தப்பட்டால், அவர்களின் சம்பள விகிதங்களும் அதற்கேற்ப மாறும் என்று மாநில அரசு ஊழியர்களும் எதிர்பார்க்கின்றனர். மத்திய அரசின் இந்த அறிவிப்பு நாடு முழுவதும் உள்ள அரசு ஊழியர்களிடையே உற்சாகத்தை ஏற்படுத்தியுள்ளது.
அரசு ஊழியர்களின் சம்பளம் ஒவ்வொரு பத்து வருடங்களுக்கும் அதிகரிக்கும் போது, வீடு, நிலம், கார் விற்பனை முதல் பல்வேறு வணிக நடவடிக்கைகளும் எதிர்பார்க்கப்படுகின்றன, எனவே வர்த்தகர்களும் அதை எதிர்பார்க்கிறார்கள். மனிதவள மேம்பாட்டு நிறுவனம் நடத்திய ஆய்வில், தனியார் துறையில் பணிபுரியும் ஊழியர்களுக்கும் இந்த ஆண்டு 9.4 சதவீத சம்பள உயர்வு கிடைக்கும் என்று தெரியவந்துள்ளது. தகவல் தொழில்நுட்பம், வாழ்க்கை அறிவியல், நுகர்வோர் பொருட்கள், நிதி, உற்பத்தி, ஆட்டோமொபைல் மற்றும் பொறியியல் துறைகளைச் சேர்ந்த 1550-க்கும் மேற்பட்ட நிறுவனங்களிடம் நடத்தப்பட்ட ஆய்வில் இது தெரியவந்துள்ளது.
2020 முதல் 2025 வரை தனியார் நிறுவனங்களில் உள்ள ஊழியர்களின் சம்பளம் 8 முதல் 9.4 சதவீதம் வரை அதிகரிக்கப்பட்டுள்ளது என்றும் ஆய்வில் கண்டறியப்பட்டுள்ளது. இந்தியாவின் பொருளாதார வளர்ச்சி இந்த ஆண்டு 6.6 சதவீதமாக இருக்கும் என மதிப்பிடப்பட்டுள்ள நிலையில், தொழிலாளர்களின் சம்பள உயர்வு நாட்டின் வளர்ச்சிக்கு ஒரு புதிய உத்வேகத்தை அளிக்கும் என்பதில் சந்தேகமில்லை. அதே நேரத்தில், இந்த மாற்றம் அனைத்து தரப்பினரையும் உள்ளடக்கிய வளர்ச்சியாக இருப்பதை உறுதி செய்யும் பொறுப்பும் கடமையும் மத்திய மற்றும் மாநில அரசுகளுக்கு உள்ளது.
இந்தியாவில் நடைமுறையில் உள்ள குறைந்தபட்ச ஊதியச் சட்டத்தின்படி, ஒரு நாளைக்கு ரூ.178 (அதாவது மாதத்திற்கு ரூ.5,340) கட்டாய ஊதியமாக நிர்ணயிக்கப்பட்டுள்ளது. நாட்டில் தொழிலாளர்களின் சராசரி ஊதியம் ரூ.29,400 என்று புள்ளிவிவரங்கள் காட்டுகின்றன. தமிழ்நாட்டில், திறமையற்ற தொழிலாளர்களின் மாத ஊதியம் ரூ.10,483 ஆகவும், திறமையான தொழிலாளர்களின் ஊதியம் ரூ.11,047 ஆகவும் உள்ளது. காலத்திற்கு ஏற்ப இதுபோன்ற குறைந்தபட்ச ஊதிய விகிதங்களை திருத்தி, நாட்டின் வளர்ச்சியில் அனைவரையும் இணைத்து, சமூக ஏற்றத்தாழ்வுகளில் உள்ள இடைவெளியைக் குறைப்பது காலத்தின் தேவையாகும்.
