சென்னை: மேற்கு திசை காற்றின் வேகத்தில் ஏற்பட்டுள்ள மாற்றத்தால் தமிழகம், புதுச்சேரி மற்றும் காரைக்கால் பகுதிகளில் இன்று ஒரு சில இடங்களில் இடி, மின்னலுடன் லேசானது முதல் மிதமானது வரை மழை பெய்ய வாய்ப்புள்ளது. நீலகிரி மாவட்டம், கோவை, திண்டுக்கல் மாவட்டங்களில் உள்ள மலைப்பகுதிகளில் ஓரிரு இடங்களில் லேசானது முதல் மிதமானது வரை மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
நாளை தமிழகம், புதுச்சேரி மற்றும் காரைக்கால் பகுதிகளில் ஒரு சில இடங்களில் இடி, மின்னலுடன் லேசானது முதல் மிதமானது வரை மழை பெய்ய வாய்ப்புள்ளது. 12-04-2025 முதல் 14-04-2025 வரை, தமிழகத்தில் அதிகபட்ச வெப்பநிலை சில இடங்களில் இயல்பை விட 2-3 செல்சியஸ் அதிகமாக இருக்கும். அதிக வெப்பம் மற்றும் அதிக ஈரப்பதம் காரணமாக தமிழகத்தில் சில இடங்களில் அசௌகரியம் ஏற்படலாம் என வானிலை ஆய்வு மையம் தெரிவித்துள்ளது.
சென்னை மற்றும் புறநகர் பகுதிகளுக்கான வானிலை முன்னறிவிப்பு: இன்று வானம் ஓரளவு மேகமூட்டத்துடன் காணப்படும். சில இடங்களில் இடி மற்றும் மின்னலுடன் லேசான / மிதமான மழை பெய்யக்கூடும். அதிகபட்ச வெப்பநிலை 37-38 செல்சியஸாகவும், குறைந்தபட்ச வெப்பநிலை 27-25′ செல்சியஸாகவும் இருக்கும். நாளை வானம் ஓரளவு மேகமூட்டத்துடன் காணப்படும். ஓரிரு இடங்களில் லேசான மழைக்கு வாய்ப்புள்ளது. அதிகபட்ச வெப்பநிலை 37-38 செல்சியஸாகவும், குறைந்தபட்ச வெப்பநிலை 27-28″ செல்சியஸாகவும் இருக்கும்.
தமிழகக் கடற்கரை 12-04-2025: தமிழகக் கடற்கரை, மன்னார் வளைகுடா மற்றும் அதனை ஒட்டியுள்ள குமரிக்கடல் பகுதிகளில் மணிக்கு 35 முதல் 45 கிமீ வேகத்திலும், அவ்வப்போது மணிக்கு 55 கிமீ வேகத்திலும் சூறாவளி புயல் உருவாக வாய்ப்புள்ளது. மேற்கூறிய தேதியில் பயணிகள் இந்தப் பகுதிகளுக்குச் செல்ல வேண்டாம் என்று அறிவுறுத்தப்படுகிறார்கள்.
