மேட்டூர் / தர்மபுரி: காவிரி நீர்ப்பிடிப்பு பகுதிகளில் பெய்த மழையைப் பொறுத்து மேட்டூர் அணைக்கு நீர் வரத்து அதிகரித்தும், குறைந்தும் வருகிறது. நேற்று முன்தினம் 6,408 கன அடியாக இருந்த அணைக்கு நீர் வரத்து நேற்று 6,223 கன அடியாகக் குறைந்தது.
காவிரி டெல்டா பாசனத்திற்காக அணையிலிருந்து திறக்கப்பட்ட நீரின் அளவு வினாடிக்கு 10,000 கன அடியாக இருந்த நிலையில், நேற்று காலை வினாடிக்கு 18,000 கன அடியாகவும், மாலையில் 22,000 கன அடியாகவும் நீர் திறப்பு அதிகரித்தது. இதேபோல், கால்வாய் பாசனத்திற்காக 500 கன அடி வீதம் தண்ணீர் திறந்து விடப்படுகிறது.
அணை நீர்மட்டம் நேற்று 118.25 அடியாகவும், நீர் இருப்பு 90.70 டிஎம்சியாகவும் இருந்தது. தர்மபுரி மாவட்டம், ஹோகேனக்கல்லில் காவிரி ஆற்றில் 13-ம் தேதி காலை 6 மணிக்கு நீர்வரத்து வினாடிக்கு 14,000 கன அடியாக பதிவானது.
மாலை 7 மணிக்கு நீர்வரத்து 9,500 கன அடியாகக் குறைந்தது. அதேபோல், 14 ஆம் தேதி காலை நீர்வரத்து வினாடிக்கு 6,500 கன அடியாகக் குறைந்தது. அன்று முதல் நேற்று மாலை வரை, நீர்வரத்து வினாடிக்கு 6,500 கன அடியாகத் தொடர்ந்தது.
