ஊட்டி: கொடநாடு கொலைவழக்கு விசாரணையை ஆகஸ்ட் 30ம் தேதிக்கு நீதிபதி ஒத்திவைத்தார்.நீலகிரி மாவட்டம் கொடநாடு பகுதியில் ஜெயலலிதா, சசிகலா தம்பதிக்கு தேயிலை தோட்டம் மற்றும் பங்களா உள்ளது. 2017ஆம் ஆண்டு ஏப்ரல் 23ஆம் தேதி நள்ளிரவில் 11 பேர் கொண்ட கொள்ளைக் கும்பல் தோட்டத்துக்குள் புகுந்தது.
அங்கு பாதுகாப்பு பணியில் இருந்த காவலர் ஓம்பகதூரை கொன்றார். பின்னர் ஜெயலலிதா, சசிகலா தங்கும் அறைகளில் இருந்து பல்வேறு பொருட்கள் கொள்ளையடிக்கப்பட்டது. இதுகுறித்து சோலூர்மட்டம் போலீஸார் வழக்குப் பதிவு செய்தனர்.
இந்த கொலை, கொள்ளை சம்பவங்களில் ஈடுபட்ட கேரளாவை சேர்ந்த சயன், வாளையார் மனோஜ் உள்பட 10 பேரை கைது செய்தனர். இந்த வழக்கு ஊட்டி மாவட்ட நீதிமன்றத்தில் 5 ஆண்டுகளாக நடந்து வந்தது. இந்த வழக்கு சிபிசிஐடிக்கு மாற்றப்பட்டு விசாரணை நடந்து வருகிறது. இந்நிலையில், இந்த வழக்கு இன்று மீண்டும் விசாரணைக்கு வந்தது.
குற்றம் சாட்டப்பட்ட சயன் மற்றும் ஜிதின் ஜாய் ஆஜராகினர். அரசு தரப்பில் வக்கீல் ஷாஜகான், கனகராஜ் ஆஜராகி வாதாடினர். சிபிசிஐடி கூடுதல் எஸ்பி முருகவேல் தலைமையில் போலீசார் குவிக்கப்பட்டனர். அப்போது, இந்த வழக்கின் விசாரணையை வரும் 30ம் தேதிக்கு நீதிபதி அப்துல்காதர் ஒத்திவைத்தார்.
