சென்னை: சென்னை கோயம்பேடு மார்க்கெட்டில் கடந்த சில நாட்களாக ஏறுமுகத்தில் இருந்த காய்கறி விலை சற்று குறைந்துள்ளது. கோயம்பேடு மார்க்கெட்டுக்கு வரத்து அதிகரித்துள்ளதால், அனைத்து காய்கறிகளின் விலையும் கணிசமாக குறைந்துள்ளது. ஒரு வாரத்துக்கும் மேலாக கிலோ ரூ.400 ரூபாய்க்கு விற்கப்பட்டு வந்த முருங்கையின் விலை தற்போது ரூ. 200-க்கு விற்பனையாகிறது.
ரூ.80 ஆக இருந்த தக்காளி விலை ரூ.50 ஆக விலை குறைந்தது. இதேபோல் பூண்டு விலையும் ரூ.50 குறைந்து ரூ.400-க்கு விற்கப்படுகிறது. பனிப்பொழிவு மற்றும் அண்டை மாநிலங்களில் மழை பெய்து வருவதால் சென்னை கோயம்பேடு மார்க்கெட்டுக்கு காய்கறி வரத்து குறைந்ததால் தற்போது மீண்டும் அதிகரிக்க துவங்கியுள்ளது. இதனால் தற்போது அனைத்து காய்கறிகளின் விலையும் சற்று குறைந்துள்ளது. இதனால் பொதுமக்கள் மகிழ்ச்சி அடைந்துள்ளனர்.
