சேலம்: ஏற்காட்டில், கோடை விழாவை முன்னிட்டு, ரோஜா பூங்காவில், 15 ஆயிரத்துக்கும் மேற்பட்ட மலர் தொட்டிகளை பராமரிக்கும் பணியில், தோட்டக்கலை துறையினர் மும்முரமாக ஈடுபட்டுள்ளனர். ஏற்காடு மலைகளின் ராஜா என்று அழைக்கப்படுகிறது. கோடை காலத்தில் தமிழகத்தின் பல பகுதிகள் மட்டுமின்றி ஆந்திரா, கர்நாடகா, கேரளா ஆகிய மாநிலங்களில் இருந்தும் ஏராளமான சுற்றுலா பயணிகள் இங்கு வந்து செல்கின்றனர்.
ஏற்காட்டில் பத்துக்கும் மேற்பட்ட இடங்கள் உள்ளன. ஏற்காட்டில் ஆண்டுதோறும் மே மாதம் நான்காவது வாரம் அல்லது ஜூன் முதல் வாரத்தில் கோடை விழா கொண்டாடப்படும். இந்த விழா பத்து நாட்களுக்கு மேல் கொண்டாடப்படும். விழாவையொட்டி அண்ணா பூங்காவில் லட்சக்கணக்கான மலர்களால் பொம்மைகள், பூந்தொட்டிகள் அலங்கரிக்கப்படும். அதேபோல், ஏற்காட்டில் விளையும் பழங்கள் காட்சிக்கு வைக்கப்பட்டு, சுற்றுலாப் பயணிகளின் பார்வைக்காக வைக்கப்படும்.
ஏற்காடு கோடை விழாவுக்கு இன்னும் 50 நாட்களே உள்ள நிலையில், ரோஜா பூங்காவில் 15 ஆயிரத்துக்கும் மேற்பட்ட மலர் தொட்டிகள் தோட்டக்கலைத்துறை மூலம் பராமரிக்கப்பட்டு வருகிறது. இந்த பூந்தொட்டிகளில் ஏற்காட்டில் பூக்கும் மற்றும் பிற மலைப்பகுதிகளில் பூக்கும் மலர் தொட்டிகள் உட்பட நூற்றுக்கும் மேற்பட்ட மலர் தொட்டிகள் பராமரிக்கப்பட்டு வருகின்றன.
பூந்தொட்டிகளுக்கு அங்குள்ள ஊழியர்கள் தினமும் தண்ணீர் ஊற்றி பராமரித்து வருகின்றனர். இவ்வாறு பராமரிக்கப்படும் பூந்தொட்டிகள் கோடை விழா சுற்றுலா பயணிகள் பார்வைக்காக வைக்கப்படும் என அதிகாரிகள் தெரிவித்தனர்.
