சென்னை: தமிழகத்தில் உள்ள 46 சுங்கச்சாவடிகளில் நேற்று முதல் 3 முதல் 12 சதவீதம் வரை கட்டண உயர்வு வசூலிக்கப்பட்டுள்ளது. 2019 முதல் மார்ச் 2024 வரை ரூ. 15,414 கோடி சுங்க வரி வசூல் செய்யப்பட்டுள்ளது. மேலும் மூன்று முதல் 12 சதவீதம் வரையிலான கட்டண உயர்வு சராசரியாக ரூ.3,000 கோடிக்கும் அதிகமாக உயர்த்தப்பட்டுள்ளது. ஆண்டுக்கு வசூலிப்பது சட்டப்படியான கொள்ளை.
இதனால் தமிழகத்தில் பெரிய மற்றும் சிறிய வாகனங்கள் குறிப்பாக சரக்கு வாகனங்களுக்கு சுங்கக் கட்டணம் அதிகரித்து வருகிறது. கடந்த 2022-ம் நிதியாண்டில் வசூலான கட்டணம், 2023-ம் நிதியாண்டில், 41 சதவீதம் அதிகரித்துள்ளது. இது தொடர்ந்து அதிகரித்து வருவதால், நாளொன்றுக்கு, மூன்று கோடி ரூபாய் சுங்க வரி செலுத்த வேண்டிய கட்டாயம் தற்போது ஏற்பட்டுள்ளது.
இதனால், அத்தியாவசிய உணவுப் பொருட்கள் உட்பட அனைத்துப் பொருட்களின் விலைவாசி உயர்வு, மக்கள் மீது சுமையாக வீழ்ச்சியடைந்து வருவதைப் பற்றிக் கவலைப்படாத பாஜக மத்திய அரசு, பெரு நிறுவனங்களின் லாபத்துக்கும் மேலும் லாபத்துக்கும் துணை நிற்கிறது. மத்திய அரசின் மக்கள் விரோத சுங்க வரி உயர்வை இந்திய கம்யூனிஸ்ட் கட்சியின் தமிழ்நாடு மாநில செயற்குழு வன்மையாகக் கண்டிப்பதோடு, அறிவிக்கப்பட்டுள்ள கட்டண உயர்வை திரும்பப் பெற வேண்டும். இவ்வாறு முத்தரசன் கூறினார்.
