சென்னை: அத்திக்கடவு அவினாசி திட்டம் பில்லூர் அருகே பவானி ஆற்றில் இருந்து 2,000 கன அடி உபரி நீரை எடுத்து கோவை, திருப்பூர், ஈரோடு மாவட்டங்களில் உள்ள பொதுப்பணித்துறை ஏரிகள், ஊராட்சி ஒன்றிய குளங்கள் மற்றும் இதர நீர்நிலைகளில் நிரப்பும் திட்டமாகும். இத்திட்டத்தை பாசனம், நிலத்தடி நீர்வளம் மற்றும் குடிநீர் வழங்கும் திட்டமாக செயல்படுத்த தமிழக முன்னாள் முதல்வர் இதய தெய்வம் புரட்சி தலைவி அம்மா உத்தரவிட்டார். 1957-ம் ஆண்டு முதல் இத்திட்டத்தை செயல்படுத்த வேண்டும் என்ற குரல் ஓங்கி ஒலித்தாலும், இத்திட்டத்தை விதைத்த பெருமை மாண்புமிகு இதய தெய்வம் புரட்சி தலைவி அம்மா அவர்களையே சாரும்.
மத்திய அரசு நிதி ஒதுக்கினாலும், வழங்காவிட்டாலும் அத்திக்கடவு-அவிநாசித் திட்டம் நிறைவேற்றப்படும் என அப்பகுதி மக்களுக்கு உறுதி அளித்தவர் இதய தெய்வம் புரட்சி தலைவி அம்மா. மேலும், 07-08-2015 அன்று போயஸ் கார்டன் இல்லத்தில் பிரதமர் நரேந்திர மோடி இதய தெய்வம் புரட்சித் தலைவி அம்மாவைச் சந்தித்தபோது, தமிழகம் தொடர்பான திட்டங்கள் குறித்த அறிக்கையை பிரதமரிடம் அம்மா அவர்கள் வழங்கினார். இந்த அறிக்கையில் அத்திக்கடவு-அவிநாசித் திட்டத்திற்கு ரூ. 1,862 கோடி. இதனைத் தொடர்ந்து கடந்த 16-02-2016 அன்று தாக்கல் செய்யப்பட்ட 2016-2017-ம் ஆண்டுக்கான இடைக்கால பட்ஜெட்டில் அத்திக்கடவு-அவிநாசித் திட்டம் சேர்க்கப்பட்டது.
புரட்சி தலைவி அம்மா உத்தரவின்படி, திருத்தப்பட்ட கருத்துருவை உடனடியாக மத்திய அரசுக்கு அனுப்பி வைக்கப்படும் என்றும், இத்திட்டத்திற்கான ஆரம்ப கட்டப் பணிகள் ஒரே நேரத்தில் தொடங்கப்படும் என்றும் பட்ஜெட் அறிக்கையில் தெரிவிக்கப்பட்டுள்ளது. இதய தெய்வம் புரட்சி தலைவி அம்மா அவர்கள்தான் நிதி அமைச்சராக இருந்து சட்டசபையில் இவற்றை வாசிக்கும் பாக்கியத்தை எனக்குக் கொடுத்தார். இதையடுத்து, அத்திக்கடவு அவினாசி திட்டத்தை செயல்படுத்த மூன்று கோடியே 27 லட்சம் ரூபாய் நிதிக்கு ஒப்புதல் அளித்து பொதுப்பணித்துறை அரசாணை எண்.66 18-02-2016 அன்று அரசாணை வெளியிடப்பட்டது.
இதையடுத்து, தமிழக சட்டப்பேரவை பொதுத் தேர்தலை முன்னிட்டு சூறாவளி பிரசாரம் மேற்கொண்ட இதய தெய்வம் புரட்சி தலைவி அம்மா, அத்திக்கடவு அவினாசி திட்டம் நிறைவேற்றப்படும் என அப்பகுதி மக்களுக்கு வாக்குறுதி அளித்தார். அம்மாவின் சூறாவளி தேர்தல் பயணத்தாலும், அம்மாவின் ஆளுமையாலும், அம்மாவின் பன்மொழிப் புலமையாலும், மீண்டும் தமிழகத்தில் அனைத்திந்திய அண்ணா திராவிட முன்னேற்றக் கழக அரசு அமைந்தது. தொடர்ந்து இரண்டாவது முறையாக அம்மா தலைமையில் ஆட்சி அமைந்தபோது எதிர்பாராதவிதமாக உடல்நலக்குறைவு ஏற்பட்டு நம்மை விட்டுப் பிரிந்தார் அம்மா.
இதையடுத்து அம்மா வழியில் சென்ற அரசு அம்மாவின் கனவுத் திட்டமான அத்திக்கடவு – அவிநாசித் திட்டத்தை நிறைவேற்றியது. அம்மா நம்மை விட்டு விலகியிருந்த போது, 2017 முதல் 2021 வரை நீடித்த அனைத்திந்திய அண்ணா திராவிட முன்னேற்றக் கழக அரசு அம்மாவின் ஆட்சி. அம்மாவின் கனவை நனவாக்கியது அவ்வளவுதான். இன்றைக்கு அத்திக்கடவு – அவிநாசித் திட்டம் நிறைவேறியிருந்தால், அதற்கு முழுக் காரணம் இதயதெய்வம், புரட்சித் தலைவி அம்மா அவர்கள். இதை யாராலும் கோர முடியாது என்பதை அண்ணா திராவிட முன்னேற்றக் கழகத் தொண்டர்கள் உரிமை மீட்புக் குழு சார்பில் தெரிவித்துக் கொள்கிறேன்.
