சென்னை: தமிழ்நாடு அரசுப் பணியாளர் தேர்வாணையம் நடத்தும் குரூப் 2 மற்றும் 2ஏ தேர்வுகளுக்கான கூடுதல் காலியிடங்களின் எண்ணிக்கையை டிஎன்பிஎஸ்சி அறிவித்துள்ளது. 2540 பணியிடங்களுக்கான தேர்வு ஏற்கனவே அறிவிக்கப்பட்டு நடைபெற்று வரும் நிலையில், தற்போது இந்த தேர்வுகளுடன் மேலும் 213 பணியிடங்கள் சேர்க்கப்பட்டுள்ளதாக டிஎன்பிஎஸ்சி தெரிவித்துள்ளது.
/tamil-ie/media/media_files/uploads/2021/09/tnpsc-exams.jpg)
தேர்வர்கள் எழுப்பிய பல்வேறு கேள்விகளின் அடிப்படையில் பணியிடங்கள் சேர்க்கப்பட்டுள்ளதாக டிஎன்பிஎஸ்சி தலைவர் தெரிவித்துள்ளார். உதவி ஆய்வாளர், துணை வணிக அலுவலர், துணைப் பதிவாளர் நிலை 2 சிறப்பு உதவியாளர், வனவர் ஆகிய பதவிகளுக்கான தேர்வுகள் ஏற்கனவே நடந்து வருகின்றன.
இந்த நிலையில், வேட்பாளர்களின் கோரிக்கைக்கு கூடுதலாக 213 இடங்கள் சேர்க்கப்பட்டுள்ளன. வருங்காலத்தில் பல்வேறு தேர்வுகள் நடைபெறும் போது ஏற்கனவே அறிவிக்கப்பட்ட காலியிடங்களுடன் கூடுதலாக சில காலியிடங்கள் சேர்க்கப்படும் என டிஎன்பிஎஸ்சி மூலம் தெரிவிக்கப்பட்டுள்ளது.
