மதுரை: தூத்துக்குடி மாவட்டம் திருச்செந்தூரைச் சேர்ந்த ராம்குமார் ஆதித்தன், உயர்நீதிமன்ற மதுரை அமர்வில் தாக்கல் செய்த மனுவில் கூறியிருப்பதாவது:- ஒவ்வொரு ஆண்டும், டாஸ்மாக் இணையதளத்தில் வெளியிடப்படும் ஆண்டு அறிக்கையில் கொள்முதல் நிறுவனங்களின் விவரங்கள், அதிக அளவில் விற்கப்படும் மதுபானங்களின் விவரங்கள், விலை, உரிமக் கட்டணம், சிறப்பு கட்டணம், வருவாய் போன்றவை இடம்பெறும். 2016-2017-க்குப் பிறகு… இருப்பினும், 2016-2017-க்குப் பிறகு ஆண்டு அறிக்கைகள் பதிவேற்றப்படவில்லை.
இந்த விவகாரம் விசாரிக்கப்பட்டபோது, சில வகையான மதுபானங்கள் அதிக விலைக்கு விற்கப்படுவது, ரசீதுகள் வழங்காமல் விற்கப்படுவது, ஒரு சில நிறுவனங்களிடமிருந்து மட்டுமே அதிக வகை மதுபானங்களை வாங்குவது போன்ற விவரங்கள் வெளியாகின. டாஸ்மாக் 11 நிறுவனங்களிடமிருந்து 125 வகையான மதுபானங்களையும், 7 நிறுவனங்களிடமிருந்து 38 வகையான பீர் வகைகளையும் வாங்க வேண்டும். இது இல்லாமல், பெரும்பாலான மதுபானங்கள் குறிப்பிட்ட நிறுவனங்களிடமிருந்து வாங்கப்படுகின்றன.
டாஸ்மாக் மதுபானங்களையே விற்பனை செய்வதால், மதுபான விற்பனையின் விவரங்களை அறிய மக்களுக்கு முழு உரிமை உண்டு. போதுமான மதுபான வகைகள் இல்லாததால், குறிப்பிட்ட வகை மதுபானங்களை மட்டுமே வாங்கி குடிக்க வேண்டிய கட்டாயம் உள்ளது. இது நுகர்வோர் உரிமைகளுக்கும் எதிரானது. எனவே, டாஸ்மாக் வாங்கும் மதுபான வகைகள், விற்பனையாளர்கள், ஒவ்வொரு நிறுவனத்திடமிருந்தும் வாங்கிய மதுபானத்தின் அளவு, கொள்முதல் மற்றும் விற்பனை விலைகள் மற்றும் வருமானம் தொடர்பான வாராந்திர மற்றும் மாதாந்திர அறிக்கைகள் டாஸ்மாக் இணையதளத்தில் பதிவேற்றப்பட வேண்டும்.
மேலும் 2017 முதல் 2025 வரையிலான ஆண்டு அறிக்கையை டாஸ்மாக் இணையதளத்தில் பதிவேற்றப்பட வேண்டும். இவ்வாறு மனுவில் கூறப்பட்டது. நீதிபதிகள் S.M. சுப்பிரமணியம் மற்றும் ஏ.டி.மரிய ஆகியோர் அடங்கிய அமர்வில் மனு விசாரணைக்கு வந்தது. பதிலளிக்க போதுமான அவகாசம் கோரியது அரசு. இதையடுத்து, மனு தொடர்பாக அரசு விளக்கம் பெற உத்தரவிட்ட நீதிபதிகள், விசாரணையை ஒரு வாரத்திற்கு ஒத்திவைத்தனர்.
