இருக்கை வசதி இல்லாததால் குன்னூர் பேருந்து நிலையத்தில் பயணிகள் அவதி

ஊட்டி : குன்னூருக்கு பல்வேறு கிராமங்கள் மற்றும் வெளியூர்களில் இருந்து தினமும் ஆயிரக்கணக்கான மக்கள் வந்து செல்கின்றனர். இங்கு 70 ஆண்டுகளுக்கு முன் பஸ்கள் நிறுத்த பஸ் ஸ்டாண்ட் கட்டப்பட்டது.

இந்த பஸ் நிலையத்திற்குள் பஸ்சுக்காக காத்திருக்கும் பயணிகளுக்கு ஒரு இருக்கை கூட இல்லாததால், முதியவர்கள், கர்ப்பிணிகள், பள்ளி மாணவ, மாணவியர் என ஏராளமானோர் சிரமப்படுகின்றனர்.

உயர் நீதிமன்ற உத்தரவுப்படி, பேருந்து நிலையம் எதிரே உள்ள கடைகள் சமீபத்தில் ஆக்கிரமிப்பு செய்யப்பட்டு இடிக்கப்பட்டன. ஆனால், இடிந்த கட்டிடங்கள் நீண்ட நாட்களாக அகற்றப்படாமல் உள்ளது.

பஸ் நிலையத்தில் இருக்கைகள் இல்லாததால், பஸ்சுக்காக காத்திருக்கும் பயணிகள், இடிந்த கட்டடங்களில் அமர்ந்து, ஆபத்தை உணராமல் பஸ்சுக்காக காத்திருக்கின்றனர். எனவே, இடிந்த கட்டடங்களை அகற்றி, அப்பகுதியில் சுற்றுச்சுவர் அமைத்து, விபத்துகளை தடுக்க வேண்டும்.

பேருந்து நிலையத்தை விரிவுபடுத்தும் வரை குன்னூர் பேரூராட்சி நிர்வாகம் பயணிகளுக்கு இருக்கை வசதி செய்து தர வேண்டும் என பொதுமக்கள் மற்றும் பயணிகள் வலியுறுத்தியுள்ளனர்.