தமிழ்நாட்டில் கடந்த சில தினங்களாக வெயிலின் தாக்கம் மிகுந்து உள்ளது. இதனால், 1 முதல் 5ஆம் வகுப்பு மாணவர்களுக்கு முன்கூட்டியே தேர்வுகள் நடத்தப்படுவதாக அறிவிக்கப்பட்டுள்ளது. முதலில், அரசு கட்டுப்பாட்டில் செயல்படும் பள்ளிகளில் 09.04.2025 முதல் 21.04.2025 வரை மூன்றாம் பருவத் தேர்வும் ஆண்டு இறுதி தேர்வும் நடைபெறவிருந்தது.
ஆனால், வெயிலின் தாக்கம் அதிகரித்திருப்பதால், பெற்றோர்களின் கோரிக்கைகள் மற்றும் பொதுமக்களின் ஆலோசனைகளை பரிசீலித்து, முதல்வரின் உத்தரவின்படி மற்றும் பள்ளிக்கல்வித் துறை அமைச்சரின் வழிகாட்டுதலின்படி தேர்வுகள் முன்கூட்டியே நடத்தப்படுவது தீர்மானிக்கப்பட்டுள்ளது.
இதன்படி, 07.04.2025 முதல் 17.04.2025 வரை தேர்வுகள் நடைபெறும் என தொடக்கக் கல்வி இயக்குநரகம் அறிவித்துள்ளது.
