சென்னை: சென்னை மெட்ரோ ரயில் திட்டத்தில் முதல் கட்டமாக விமான நிலையம் முதல் கிளாம்பாக்கம் பேருந்து நிலையம் வரை மெட்ரோ ரயிலை நீட்டிப்பதற்கான விரிவான திட்ட அறிக்கையை, தமிழக அரசின் சிறப்பு முயற்சிகள் துறை கூடுதல் தலைமைச் செயலர் கோபாலிடம், சென்னை மெட்ரோ ரயில் கழக நிர்வாக இயக்குநர் மு.ஆ.சித்திக் நேற்று தாக்கல் செய்தார். மெட்ரோ ரயில் மற்றும் மேம்பாலம் ஒருங்கிணைந்து அமைக்கும் வகையில், தமிழக அரசிடம் முன்பு சமர்ப்பிக்கப்பட்ட விரிவான திட்ட அறிக்கை திருத்தப்பட்டுள்ளது.
திருத்தப்பட்ட விரிவான திட்ட அறிக்கையின்படி, மெட்ரோ வழித்தடம் 2-வது கட்டத்திலும், மேம்பாலம் கட்டம்-1-லும் முன்மொழியப்பட்டுள்ளது. இது கம்பக்கம் பேருந்து நிலையத்திற்கு தடையற்ற சாலை மற்றும் மெட்ரோ இணைப்பை வழங்கும். உத்தேச நீட்டிப்பு பல்லாவரம், குரோம்பேட்டை, தாம்பரம், பெருங்களத்தூர் மற்றும் வண்டலூர் வழியாக செல்லும். இது கிளாம்பாக்கம் பேருந்து நிலையம், விமான நிலையம் மற்றும் தாம்பரம் ரயில் நிலையம் போன்ற முக்கிய போக்குவரத்து மையங்களுக்கு இணைப்பை வழங்கும். பாதையின் மொத்த நீளம் 15.46 கி.மீ. உயர்த்தப்பட்ட ரயில் நிலையங்களின் எண்ணிக்கை 13. மதிப்பிடப்பட்ட செலவு ரூ. 9,335 கோடியாகும்.
