ராணிப்பேட்டை: ஓடும் ரயிலில் இளம் பெண்களுக்கு பாலியல் தொல்லை கொடுத்த 4 பேரை ரயில்வே போலீசார் கைது செய்துள்ளனர்.
ராணிப்பேட்டை மாவட்டம் அரக்கோணம் அருகே ஓடும் ரயிலில் பாலியல் தொல்லை கொடுத்தாக இளம்பெண்கள் அளித்த புகாரில் 4 வடமாநில இளைஞர்களை ரயில்வே போலீசார் கைது செய்து சிறையில் அடைத்தனர்.
ராம்புராட் ரயில் நிலையத்திலிருந்து பெங்களூரு செல்ல கவுகாத்தி அதிவிரைவு ரயிலின் அன்ரிசர்வ் பெட்டியில் பயணித்த தங்களிடம் கிஷான்கஞ் ரயில் நிலையத்தில் ஏறிய பீகார் மாநிலத்தைச் சேர்ந்த 4 நபர்கள் தொல்லை கொடுத்தாக கூறப்படுகிறது.
முதலில் தங்களிடம் இருக்கைக்காக சண்டையிட்ட அவர்கள், பின்னர் பாலியல் தொல்லை கொடுத்ததாகவும் பாதிக்கப்பட்ட பெண்கள் ரயில்வே போலீசில் புகார் அளித்தனர். இதையடுத்து ரயில்வே போலீசார் விசாரணை நடத்தி வடமாநில இளைஞர்கள் 4 பேரையும் கைது செய்தனர்.
