கம்பம்: கம்பம் அ.தி.மு.க. சார்பில் இன்று (அக்டோபர் 17) காமயகவுண்டன்பட்டியில் வீராங்கனைகள் மற்றும் வீராங்கனைகளுக்கான ஆலோசனைக் கூட்டம் நடைபெற்றது.
ஒன்றிய செயலாளர் ஈஸ்வரன் தலைமை வகித்தார். பேரூர் கழக செயலாளர் ரவிச்சந்திரன் வரவேற்றார். தேனி மேற்கு மற்றும் கிழக்கு மாவட்ட செயலாளர்கள் எஸ்.டி.கே. ஜக்கையன், முருக்கோடை ராமர், முன்னாள் எம்.பி. பார்த்திபன் ஆகியோர் கட்சியின் வளர்ச்சிப் பணிகள் குறித்து பேசினர்.
இதில் சிறப்பு விருந்தினராக கலந்து கொண்ட சட்டப்பேரவை எதிர்க்கட்சி துணைத் தலைவரும், முன்னாள் அமைச்சருமான ஆர்.பி.உதயகுமார் பேசியதாவது:-
உதயநிதிக்கு துணை முதல்வர் பதவி வழங்க ஏற்கனவே முடிவு செய்துவிட்டனர். இந்த பதவிக்கு அவரை விட திமுக கட்சிக்காக உழைத்தவர்கள் வேறு யாரும் இல்லையா? துரைமுருகன், பொன்முடி, நேரு போன்ற சீனியர்கள் இருந்தபோது கருணாநிதியின் பேரன் என்பதால்தான் அவருக்கு துணை முதல்வர் பதவி வழங்கப்பட்டது.
முல்லைப் பெரியாறு அணையில் 142 அடி தண்ணீர் தேக்க முடியும். அணையில் மராமத்து பணிகள் முடிந்து படிப்படியாக 152 அடி தண்ணீரை தேக்கி வைக்கலாம் என உச்சநீதிமன்றம் தீர்ப்பளித்துள்ளது.
ஆனால் அணையில் மராமத்து பணிகளுக்கு தேவையான தளவாட பொருட்களை கூட கொண்டு செல்ல அனுமதிக்காமல் கேரள நீர்வளத்துறை அதிகாரிகள் இழுத்தடித்து வருகின்றனர்.
இதை கண்டித்தும் துணைக்குழு விசாரணையை தமிழக அதிகாரிகள் புறக்கணித்துள்ளனர். இதனால் அணையில் ஆறு மாதங்களாக பராமரிப்பு பணிகள் எதுவும் நடைபெறவில்லையா?
இதற்கு இதுவரை முதல்வர் கண்டனம் தெரிவிக்காதது ஏன்? தற்போது ஆட்சியில் இருப்பவர்கள் முல்லைப் பெரியாறு அணையை பற்றி கவலைப்படவில்லை. மாநில அம்மா பேரவை செயலாளர் ஜெயக்குமார், தலைமை கழக பேச்சாளர் சுந்தரபாண்டியன், ஒன்றிய பொருளாளர் பரணீதரன் உட்பட பலர் கலந்து கொண்டனர்.
