திருச்செந்தூர்: திருச்செந்தூர் சுப்ரமணிய சுவாமி கோவிலுக்கு, உள்ளூர் மட்டுமின்றி, மாநிலம் மட்டுமின்றி, வெளி மாநிலம், வெளிமாநிலங்களில் இருந்தும், ஏராளமான பக்தர்கள் வந்து வழிபடுகின்றனர். இந்நிலையில் கடந்த 2 நாட்களாக கோயில் கடற்கரையில் கடல் சீற்றமாக உள்ளது. பக்தர்கள் நீராடத் தொடங்கும் இடத்தில் கடல் அரிப்பால் பெரிய பள்ளம் ஏற்பட்டுள்ளது.
கடல் சீற்றம் அதிகரித்து, கடற்கரையில் சுமார் 20 அடி ஆழம், 9 அடி நீளத்துக்கு மணல் அரிப்பு ஏற்பட்டுள்ளது. இதனால் கோயில் முன்புறம் கடலில் இறங்குவதற்காக அமைக்கப்பட்டுள்ள படிக்கட்டுகள் வழியாக பக்தர்கள் கீழே இறங்க முடியாது. கடல் சீற்றம் காரணமாக நேற்று இரண்டாவது நாளாக அரிப்பு அதிகரித்தது.
இதனால், யாரும் கீழே இறங்காத வகையில், தகரம் அமைத்து, தடுப்புகள் அமைத்து தடுத்து நிறுத்தப்பட்டது. கடந்த நவம்பரில் இதேபோன்று கடல் அரிப்பு ஏற்பட்டது. அப்போது கோவில் நிர்வாகத்தினர் மணலை கொட்டி சீரமைத்தனர். தற்போது அதே இடத்தில் கடல் அரிப்பு ஏற்பட்டுள்ளது.
இந்நிலையில், அதே கடற்கரையில் சுமார் 500 மீட்டர் தொலைவில் உள்ள அய்யா கோயில் பகுதியில் கடல் உள்வாங்கியுள்ளது. அந்த பகுதியில் சுமார் 50 அடிக்கு கடல் உள்வாங்கியுள்ளது. இதன் காரணமாக பாறைகளும் மணல் திட்டுகளும் அதிகளவில் காணப்படுகின்றன. இது பக்தர்களிடையே அதிர்ச்சியை ஏற்படுத்தியுள்ளது.
