சென்னை: உயிர் காக்கும் மருத்துவர்களின் பாதுகாப்பை மாநில அரசுகள் உறுதி செய்ய வேண்டும் என நாம் தமிழர் ஒருங்கிணைப்பாளர் சீமான் வலியுறுத்தியுள்ளார்.
கொல்கத்தா அரசு மருத்துவமனையில் பெண் பயிற்சி மருத்துவர் பாலியல் வன்கொடுமை செய்யப்பட்டு கொடூரமான முறையில் படுகொலை செய்யப்பட்ட சம்பவம் அதிர்ச்சியையும், மனவேதனையையும் ஏற்படுத்தியுள்ளது. உயிரிழந்த பெண் மருத்துவரின் குடும்பத்தாருக்கு எனது ஆழ்ந்த இரங்கலைத் தெரிவித்துக் கொள்வதோடு, துயரத்திலும் கலந்து கொள்கின்றேன். அரசு மற்றும் தனியார் மருத்துவமனைகளில் பணியாற்றும் மருத்துவர்கள் மீது தொடர்ந்து தாக்குதல் நடத்தப்படும் சம்பவங்கள் வன்மையாக கண்டிக்கத்தக்கது.
தெலங்கானாவில் ஏற்கனவே பெண் மருத்துவர் ஒருவர் கொடூரமாக தாக்கப்பட்டு எரித்துக் கொல்லப்பட்ட நிலையில், தற்போது மேற்கு வங்கத்தில் மருத்துவக் கல்லூரி மருத்துவமனையில் பெண் மருத்துவர் ஒருவர் படுகொலை செய்யப்பட்டுள்ளார். பாலியல் வன்கொடுமைக்கு ஆளான மேற்கு வங்க பெண் மருத்துவரின் பிரேதப் பரிசோதனையில் தலை முதல் கால் வரை பலத்த காயங்கள், பற்கள் கடித்து, கால்களில் செங்குத்தாக எலும்பு முறிவு இருப்பது தெரியவந்துள்ளது.
கைது செய்யப்பட்டுள்ள சஞ்சய் ராய் மட்டும் இந்தக் கொடுமைகளைச் செய்திருக்கலாம், கூட்டுப் பாலியல் வன்முறைக்கு ஆளாகியிருக்கலாம் என்று வெளிவரும் நெஞ்சை உலுக்கும் செய்திகள் அனைத்தும் மிகுந்த அச்சத்தையும் மன வேதனையையும் தருகிறது. நாடு வெட்கப்பட வேண்டிய இந்த மதவெறிக்கு எதிராக மருத்துவர்கள், மாணவர்கள் போராட்டம் நடத்தி வரும் நிலையில், இந்த வழக்கின் விசாரணை மத்திய குற்றப் புலனாய்வு அமைப்பிடம் ஒப்படைக்கப்பட்டுள்ளது.
இந்த நிலையில், மம்தா பானர்ஜி தலைமையிலான மேற்கு வங்க மாநில அரசு முழு ஒத்துழைப்பு அளித்து, உண்மையான குற்றவாளிகள் மற்றும் சம்பந்தப்பட்ட அனைவரையும் கைது செய்து கடுமையாக தண்டிக்க வேண்டும். மருத்துவர்களின் பாதுகாப்பை அந்தந்த மாநில அரசுகள் உறுதி செய்ய வேண்டும் என நாம் தமிழர் கட்சி வலியுறுத்துகிறது. இவ்வாறு சீமான் கூறினார்.
