சென்னை: அமைச்சர் செந்தில் பாலாஜி, எடப்பாடி பழனிசாமியை ‘அமைதிப்படை’ படத்தில் வரும் ‘அமாவாசை’ கதாபாத்திரத்துடன் ஒப்பிட்டு கடுமையாக விமர்சித்துள்ளார். திமுக ஆட்சி இன்னும் 13 அமாவாசைகள் மட்டுமே நீடிக்கும் என்று எடப்பாடி பழனிசாமி கூறியதைத் தொடர்ந்து, செந்தில் பாலாஜி அவருக்கு பதிலடி கொடுத்துள்ளார்.
நேற்று நடைபெற்ற அதிமுக பொதுக்குழுவில், திமுக ஆட்சியில் இன்னும் 13 அமாவாசைகள் மட்டுமே இருக்கும் என்று எடப்பாடி பழனிசாமி கூறினார். இதற்கு, செந்தில் பாலாஜி தனது எக்ஸ் பக்கத்தில், ‘அமைதிப்படை’ படத்தில் வரும் ‘அமாவாசை’ கதாபாத்திரத்துடன் எடப்பாடி பழனிசாமியை ஒப்பிட்டு அவரது செயல்பாடுகளை விமர்சித்தார்.
அமைதிப்படை படத்தில் வரும் “நாம் முன்னுக்கு வரணும்னா நாய் என்ன… மனுஷன் என்ன? ஏறி மிதிச்சு போயிட்டே இருக்கணும்” என்ற டயலாக் மூலம் எடப்பாடி பழனிசாமி பற்றி செந்தில் பாலாஜி கருத்து தெரிவித்தார். பதவியை பிடிக்க பலரைக் கிழித்து, ஊர்ந்து சென்று, அதை உருட்டிய எடப்பாடி பழனிசாமி, தற்போது “13 அமாவாசை தான் உள்ளன” என்று சொல்வதை அவர் கடுமையாக விமர்சித்தார்.
பழனிசாமியின் ஆட்சியில் பல்வேறு அமாவாசைகள் கடந்துவிட்டதாகவும், 2026 இல் அதைத் தவிர்க்க முடியாது என்றும் செந்தில் பாலாஜி கூறினார். 2024 இல் புதிய மாற்றங்கள் ஏற்பட்டதாகவும் என்றும், திமுக ஆட்சி இன்னும் பல ஆண்டுகள் தொடரும் என்பது உறுதி என்றும் அவர் கூறினார்.
