தமிழகத்தில் மட்டுமல்ல, இந்தியா முழுவதும் நாய் கடி பிரச்சனை அதிகரித்து வருகிறது. சாலைகளில் நடந்து செல்லும் குழந்தைகள் மற்றும் பெரியவர்கள் உட்பட பலரை தெருநாய்கள் துரத்தி கடித்து குழந்தைகள் இறக்கும் சம்பவங்கள் பல உள்ளன. இந்த நாய் கடிகளால் ரேபிஸ் பாதிப்பு இந்தியாவில் அதிகரித்து வருகிறது, இது பொதுமக்களிடையே அச்சத்தை ஏற்படுத்தியுள்ளது. இது தொடர்பாக பல்வேறு மாநிலங்களைச் சேர்ந்த நாடாளுமன்ற உறுப்பினர்களும் தங்கள் கருத்துக்களை தெரிவித்து வருகின்றனர்.
ரேபிஸ் நோய் அதிகரித்து வருவதால், கேரளாவில் தெருநாய்களை கருணைக்கொலை செய்ய மாநில அரசு ஏற்கனவே அனுமதித்துள்ளது. .இந்த சூழ்நிலையில், கடுமையாக காயமடைந்த மற்றும் நோய்வாய்ப்பட்ட தெருநாய்களை கருணைக்கொலை செய்ய தமிழக அரசு அனுமதித்துள்ளது. தெருநாய்களால் ஏற்படும் ரேபிஸ் உள்ளிட்ட நோய்களின் அபாயத்தைக் கருத்தில் கொண்டு கால்நடைத் துறை ஒரு உத்தரவைப் பிறப்பித்துள்ளது.
பதிவுசெய்யப்பட்ட கால்நடை மருத்துவர்களால் கருணைக்கொலை செய்யப்பட வேண்டும். கருணைக்கொலை செய்யப்படும் தெருநாய்களை முறையாகப் புதைக்க வேண்டும். கருணைக்கொலை செய்யப்படும் நாய்கள் தொடர்பான ஆவணங்களை பராமரிக்க வேண்டும் என்று கூறப்பட்டுள்ளது. இது தொடர்பாக விரிவான வழிகாட்டுதல்கள் விரைவில் வெளியிடப்படும் என்றும், சாலைகளில் சுற்றித் திரியும் விலங்குகளைக் கட்டுப்படுத்துவது தொடர்பான கொள்கையும் தமிழக அரசால் விரைவில் வெளியிடப்படும் என்றும் கூறப்பட்டுள்ளது.
கால்நடைத் துறையின் இந்த உத்தரவு, சாலைகளில் சுற்றித் திரியும் விலங்குகளைக் கட்டுப்படுத்தும் மற்றும் வெறிநாய்க்கடி உள்ளிட்ட நோய்களின் தாக்கத்தைக் குறைக்கும் என்பதால், இது முக்கியமானதாகக் கருதப்படுகிறது.
