கரூர் அரசு மருத்துவமனையில் சிகிச்சை பெற்று வருபவர்களுக்கு டிடிவி தினகரன் ஆறுதல் கூறினார். பின்னர், அவர் ஒரு பேட்டி அளித்ததாவது:- இந்தியாவில் ஒரு வருந்தத்தக்க சம்பவம் கரூரில் நடந்துள்ளது. எதிர்காலத்தில், இதுபோன்ற அரசியல் கட்சி கூட்டங்களில் பொதுமக்கள் யாரும் உயிரிழக்காமல் காவல்துறை பாதுகாக்க வேண்டும்.
அரசியல்வாதிகள் மற்றும் கட்சி நிர்வாகிகள் பொதுக் கூட்டத்திற்கு வரும் மக்களின் பாதுகாப்பை உறுதி செய்ய வேண்டும். சினிமா டிக்கெட் கூட்டங்களில் உயிரிழப்புகள் ஏற்படாமல் பார்த்துக் கொள்வது நல்லது.
அரசாங்கம் சரியாகச் செயல்பட்டது. இதில் அரசியல் செய்ய நான் இங்கு வரவில்லை. பொதுமக்களின் உயிர்கள் முக்கியம். எனது கட்சி நிர்வாகியின் குடும்ப உறுப்பினரும் இறந்துவிட்டார். அதைப் பார்க்க வந்திருக்கிறேன்.
இறந்தவர்களை என் குடும்பத்தின் ஒரு பகுதியாகவே பார்க்கிறேன். இவ்வாறு அவர் கூறினார்.
