திருச்சி: ஸ்ரீரங்கம் புதிய பேருந்து நிலையம் ஜனவரி மாதத்தில் இருந்து பயன்பாட்டிற்கு வரும் என்று ஸ்ரீரங்கம் எம்எல்ஏ பழனியாண்டி தெரிவித்தார்.
காவேரியில் பாசன நீர் திறந்தும் திருவரங்கம் சட்டமன்ற தொகுதி அந்தநல்லூர் ஒன்றியம் புதுவாத்தலை மற்றும் ராமவாத்தலை வாய்க்கால்களில் கரை உடைப்பு மற்றும் தடுப்பு சுவர் சேதம் ஆனதால் பாசன பகுதிகளில் தண்ணீர் வந்து சேர்வது தாமதம் ஆனதால் விவசாயிகள் திருவரங்கம் சட்டமன்ற உறுப்பினர் .பழனியாண்டியிடம் கோரிக்கை வைத்தனர், சட்டமன்ற. உறுப்பினர் பழனியாண்டி உடனடியாக நடவடிக்கை எடுத்து அதிகாரிகளை நேரில் சந்தித்து வாய்க்கால்களை சீரமைத்தார்.
புதுவாத்தலை, ராமவாத்தலை சீரமைப்பு பணிகள் முடிவடைந்ததை அடுத்து சட்டமன்ற உறுப்பினர் பழனியாண்டி பாசனத்திற்ககு தண்ணீர் திறந்து வைத்தார்.
தொடர்ந்து செய்தியாளர்களிடம் பேசிய ஸ்ரீரங்கம் சட்டமன்ற உறுப்பினர் பழனியாண்டி கூறியதாவது:
திருச்சி முக்கொம்பு மேலணையில் மூன்று சட்டர்கள், மற்றும் அதன் அடித்தளம் பழுதடைந்துள்ளது. அதனை சரி செய்வதற்கு முதல்வரிடம் கோரிக்கை வைத்துள்ளோம்.
ஸ்ரீரங்கம் புதிய பேருந்து நிலைய கட்டுமான பணிகள் முடிவடைந்து வருகின்ற ஜனவரி மாதம் திறக்கப்படும் என தெரிவித்தார்.
