சென்னை: இலங்கை கடற்படையால் கைது செய்யப்பட்ட தமிழக மீனவர்களை உடனடியாக விடுதலை செய்ய வேண்டும் என்று வெளியுறவுத்துறை அமைச்சர் ஜெய்சங்கரிடம் விசிக தலைவர் திருமாவளவன் வலியுறுத்தியுள்ளார். அமைச்சருக்கு அவர் எழுதியுள்ள கடிதத்தில்; மார்ச் 18, 2025 அன்று மூன்று தமிழக மீனவர்களை இலங்கை கடற்படை கைது செய்தது.
ஏற்கனவே கைது செய்யப்பட்டுள்ள 3 பேர் உட்பட 110 தமிழக மீனவர்களை உடனடியாக விடுவிக்கவும், அவர்களின் படகுகளை மீட்கவும் மத்திய அமைச்சர் ஜெய்சங்கரிடம் வலியுறுத்தியுள்ளேன். கடந்த மூன்று மாதங்களில் 10 முறை தமிழக மீனவர்கள் கைது செய்யப்பட்டுள்ளனர். இதில் சீன அரசு ஈடுபட்டுள்ளதாக இலங்கைத் தமிழர்கள் கூறுகின்றனர்.
சீனாவின் தலையீடு மேலும் பதற்றத்தை உருவாக்கும் மற்றும் பாதுகாப்பு குறித்த கேள்விகளை எழுப்பும். தினக்கூலி மீனவர்களின் வாழ்வாதாரத்தை மேம்படுத்தவும், அவர்களின் பொருளாதாரத்தை ஸ்திரப்படுத்தவும் உடனடி நடவடிக்கை எடுக்க வேண்டும். இலங்கை கடற்படையின் எந்த அழுத்தமும் இன்றி தமிழக மீனவர்கள் வாரந்தோறும் குறிப்பிட்ட நாட்களில் மீன்பிடிக்கும் வகையில் புரிந்துணர்வு ஒப்பந்தம் செய்ய வேண்டும். இவ்வாறு அவர் கூறினார்.
