உடுமலை / பொள்ளாச்சி: திருப்பூர் மாவட்ட நிர்வாகம் சார்பில் இன்று காலை 10 மணிக்கு உடுமலை நேதாஜி மைதானத்தில் அரசு நலத்திட்ட உதவிகள் வழங்கும் விழா நடைபெறுகிறது. இதில், முதல்வர் மு.க. ஸ்டாலின் சிறப்புரையாற்றி, ரூ.949 கோடி மதிப்பிலான முடிக்கப்பட்ட திட்டங்களைத் தொடங்கி வைப்பார், ரூ.182 கோடி மதிப்பிலான புதிய திட்டங்களுக்கு அடிக்கல் நாட்டுவார், 19,785 பயனாளிகளுக்கு ரூ.295 கோடி மதிப்பிலான நலத்திட்ட உதவிகளை வழங்குவார்.
தொடர்ந்து, உடுமலையில் நேரு சாலையில் கட்டப்பட்ட திமுக அலுவலகத்தை முதல்வர் திறந்து வைப்பார்.
உடுமலை நிகழ்வுகளை முடித்துக்கொண்டு பொள்ளாச்சிக்குப் புறப்படும் முதலமைச்சர், பிஏபி நீர்ப்பாசனத் திட்டத்தை நிறுவுவதற்குக் காரணமாக இருந்த முன்னாள் முதலமைச்சர் காமராஜர், சி. சுப்பிரமணியம், வி.கே. பழனிசாமி கவுண்டர் மற்றும் பொள்ளாச்சி நா. மகாலிங்கம் ஆகியோரின் முழு உருவச் சிலைகளைத் திறந்து வைப்பார்.
இந்த நிகழ்வுகளில் பங்கேற்க முதல்வர் நேற்று மாலை சென்னையில் இருந்து விமானம் மூலம் கோவை வந்தார். அவரை திமுக உறுப்பினர்கள் வரவேற்றனர். பின்னர் அவர் உடுமலைக்குச் சென்று இரவு அங்கேயே தங்கினார்.
