புதுக்கோட்டை: இது புதுசால்ல இருக்கு… புதுக்கோட்டை மாவட்டத்தில் 99 முறை பைபர் கேபிள் திருடிய திருடனுக்கு வாழ்த்து தெரிவித்து வைக்கப்பட்ட டிஜிட்டல் பேனரால் சலசலப்பு ஏற்பட்டது.
புதுக்கோட்டை மாவட்டம் ஆலங்குடியில் இன்டர்நெட் இணைப்பு வழங்கும் பி.எஸ்.என்.எல் பைபர் கேபிளை 99 முறை திருடியவருக்கு வாழ்த்து தெரிவித்து டிஜிட்டல் பேனர் வைக்கப்பட்டது.
கடந்த 5 மாதங்களில் 99 முறை திருடு போனதால் அந்த சேவையை வழங்கி வரும் தனியார் நிறுவனம் இவ்வாறு பேனர் அடித்து நகரின் முக்கிய சாலையில் வைத்தது. இது மக்கள் மத்தியில் சலசலப்பை ஏற்படுத்திய நிலையில் அந்த விளம்பர பதாகையை போலீஸார் அகற்றினர்.
