பட்டுக்கோட்டை: தஞ்சாவூர் மாவட்டம், பட்டுக்கோட்டை அருகே மினி வேனில் கடத்தப்பட்ட 1, 750 கிலோ ரேஷன் அரிசி மூட்டைகளை பறிமுதல் செய்து, இளைஞரைக் கைது செய்தனர்.
பட்டுக்கோட்டை அருகே சேதுபாவாசத்திரம் சாலையில் குடிமைப்பொருள் குற்றப் புலனாய்வு காவல் பிரிவினர் செவ்வாய்க்கிழமை வாகனத் தணிக்கை மேற்கொண்டனர். அப்போது, மினி வேனில் 1, 750 கிலோ ரேஷன் அரிசி மூட்டைகள் கடத்திச் செல்லப்படுவது தெரிய வந்தது.
இந்த மூட்டைகளைப் பறிமுதல் செய்த காவல் துறையினர், இது தொடர்பாக சேதுபாவாசத்திரத்தைச் சேர்ந்த எம். தமீம் அன்சாரியை (36) கைது செய்து, விசாரணை மேற்கொண்டனர்.
இதில், அவர் பட்டுக்கோட்டை மற்றும் சுற்றியுள்ள பகுதிகளில் பொதுமக்களிடமிருந்து ரேஷன் அரிசியைக் குறைந்த விலைக்கு வாங்கி பட்டுக்கோட்டை, சேதுபாவாசத்திரம் பகுதிகளிலுள்ள மீன் பண்ணைகளுக்கு விற்பனை செய்யப்படுவது தெரிய வந்தது.
