டெல்லி: மின்சார கார் என்பது பேட்டரியில் இயங்கும் வாகனம். இது பெட்ரோல் அல்லது டீசல் போன்ற பாரம்பரிய எரிபொருட்களுக்கு பதிலாக மின்சாரத்தைப் பயன்படுத்துகிறது. இது சுற்றுச்சூழலுக்கு உகந்த போக்குவரத்து வழிமுறையாகும். இந்தியாவில், மின்சார கார் சந்தை வேகமாக வளர்ந்து வருகிறது. இந்த சூழ்நிலையில், டெஸ்லா, வின்ஃபாஸ்ட், கியாவின் மின்சார கார்களின் விலை உள்ளிட்ட விவரங்கள் நாளை வெளியிடப்படும்.
டெஸ்லா தனது மின்சார கார் Y தொடரை அறிமுகப்படுத்துகிறது, இதன் விலை ரூ. 55 லட்சம் வரை இருக்கும் என்று எதிர்பார்க்கப்படுகிறது. முழுக்க முழுக்க தமிழ்நாட்டில் தயாரிக்கப்படும் வின்ஃபாஸ்ட் மின்சார காரின் முதல் 2 மாடல்களுக்கான (VF6, VF7) முன்பதிவுகள் நாளை தொடங்கும்.
முழு அளவிலான உற்பத்தி விரைவில் தொடங்க உள்ள நிலையில், ஆகஸ்ட் மாதத்தில் VF6 மற்றும் VF7 மாடல் கார்களை வாடிக்கையாளர்களுக்கு வழங்க திட்டமிடப்பட்டுள்ளது. வின்ஃபாஸ்ட் விஎஃப் 6 காரின் விலை ரூ.25 லட்சமாகவும், விஎஃப்7 மாடல் எலக்ட்ரிக் காரின் விலை ரூ.50 லட்சமாகவும் நிர்ணயிக்கப்பட வாய்ப்புள்ளது.
பெரும் எதிர்பார்ப்புகளுக்கு மத்தியில் கியாவின் கேரன்ஸ் கிளாவிஸ் எலக்ட்ரிக் கார் அறிமுகப்படுத்தப்படுகிறது. கியா கேரன்ஸ் கிளாவிஸ் எலக்ட்ரிக் காரின் விலை ரூ.19 லட்சம் முதல் ரூ.20 லட்சம் வரை நிர்ணயிக்கப்படலாம்.
