சென்னை: தூத்துக்குடியில் உள்ள ஹைட்ரஜன் உற்பத்தி ஆலைகளுக்கு தேவையான சூரிய மற்றும் காற்றாலை மின்சாரம் கொண்டு செல்ல 3,600 மெகாவாட் திறன் கொண்ட குழாய் பதிக்கும் பணியை மத்திய அரசு மேற்கொண்டு வருகிறது.
தூத்துக்குடியில் பசுமை ஹைட்ரஜன் உற்பத்தி நிலையங்கள் கொண்ட முனையம் அமைக்கப்பட உள்ளது. இந்த பசுமை ஹைட்ரஜன் ஆலைகளுக்கு புதிய சூரிய மற்றும் காற்றாலை மின் நிலையங்கள் அமைக்கப்பட உள்ளன. அவற்றில் உற்பத்தி செய்யப்படும் மின்சாரத்தை கொண்டு செல்ல மத்திய அரசின் மின் பரிமாற்ற நிறுவனம் நடவடிக்கை எடுத்து வருகிறது.
அதன்படி தூத்துக்குடியில் உள்ள துணை மின்நிலையத்தில் தலா 1,500 மெகா வோல்ட் ஆம்பியர் திறன் கொண்ட 3 மின் மாற்றிகள் நிறுவப்பட உள்ளன. இதன் மூலம், 3,600 மெகாவாட் மின்சாரத்தை கையாள முடியும். தூத்துக்குடியில் உற்பத்தியாகும் மின்சாரம் தருமபுரி வழியாக கர்நாடக மாநிலம் மாதுரியில் உள்ள 765 கேவி துணை மின் நிலையத்திற்கு கொண்டு செல்லப்படும்.
இதற்காக தூத்துக்குடி, தர்மபுரி, மாதுரி இடையே உள்ள மின்கம்பிகளின் கொள்ளளவு அதிகரிக்கப்பட்டு வருகிறது. மொத்த திட்ட மதிப்பீடு ரூ.2,617 கோடி என மின் வாரிய அதிகாரிகள் தெரிவித்தனர்.
