ஜெருசலேம்: ஹமாஸ் சனிக்கிழமைக்குள் பணயக்கைதிகளை விடுவிக்காவிட்டால் காசா போர் நிறுத்த ஒப்பந்தம் முடிவுக்கு வரும் என்று இஸ்ரேல் பிரதமர் பெஞ்சமின் நெதன்யாகு எச்சரித்துள்ளார். மேற்கு ஆசிய நாடான இஸ்ரேலுக்கும் காசா உள்ளிட்ட பாலஸ்தீனப் பகுதிகளைக் கட்டுப்படுத்தும் ஹமாஸ் பயங்கரவாதிகளுக்கும் இடையிலான போர் அக்டோபர் 7, 2023 அன்று தொடங்கியது.
அமெரிக்கா, கத்தார் மற்றும் எகிப்தின் மத்தியஸ்த முயற்சிகளுடன் சமீபத்தில் ஒரு போர் நிறுத்த ஒப்பந்தம் கையெழுத்தானது. இந்த சூழ்நிலையில், ஹமாஸ் பயங்கரவாதிகளால் பிடிக்கப்பட்ட பணயக்கைதிகளை விடுவிக்க இஸ்ரேல் அமைதி ஒப்பந்தத்திற்கு ஒப்புக்கொண்டது. இருப்பினும், ஹமாஸ் ஒப்பந்தத்தை மீறி பணயக்கைதிகளை விடுவிப்பதை நிறுத்துவதாக அறிவித்துள்ளது.
இதன் விளைவாக, “ஹமாஸ் பணயக்கைதிகளை விடுவிக்கவில்லை என்றால், காசா போர் நிறுத்த ஒப்பந்தம் முடிவுக்கு வரும். மேலும், இறுதியாக ஹமாஸை தோற்கடிக்க எங்கள் இராணுவம் முழுமையாக தயாராக இருக்கும்” என்று இஸ்ரேல் பிரதமர் பெஞ்சமின் நெதன்யாகு எச்சரித்துள்ளார்.
இந்த சூழ்நிலையில், சனிக்கிழமைக்குள் இஸ்ரேல் பணயக்கைதிகளை விடுவிக்காவிட்டால் அமைதி ஒப்பந்தம் ரத்து செய்யப்படும் என்று அமெரிக்க அதிபர் டிரம்ப் இப்போது எச்சரித்துள்ளார்.
