நேட்டோ அமைப்பில் இணைந்ததால் பின்லாந்து மீது போர் தொடுக்கும் முடிவில் ரஷ்யா

மாஸ்கோ: அமெரிக்கா மற்றும் ஐரோப்பிய நாடுகளில் அங்கம் வகிக்கும் நேட்டோவில் இணைய உக்ரைன் முயற்சித்ததற்கு கடும் எதிர்ப்பு தெரிவித்து அந்நாட்டுக்கு எதிராக ரஷ்யா போர் தொடுத்தது. உக்ரைன் மீது ரஷ்யாவின் போர் ஒரு வருடத்திற்கும் மேலாக நடந்து வருகிறது.

இதற்கிடையில், பின்லாந்து நேட்டோவில் சேர நடவடிக்கை எடுத்தது. இதற்கு ரஷ்யா எதிர்ப்பு தெரிவித்து எச்சரிக்கை விடுத்தது. நேட்டோவின் 31வது உறுப்பினராக பின்லாந்து ஆனது. பிரஸ்ஸல்ஸில் நடந்த விழாவில் நேட்டோவில் இணைவதற்கான ஆவணத்தில் பின்லாந்து கையெழுத்திட்டது.

இது நேட்டோ நாடுகளுடன் ரஷ்யாவின் பகிரப்பட்ட எல்லையை இரட்டிப்பாக்கியுள்ளது. பின்லாந்து ரஷ்யாவுடன் 1340 கிமீ கிழக்கு எல்லையைப் பகிர்ந்து கொள்கிறது. பின்லாந்து நேட்டோவில் உறுப்பினராக இருப்பதால், தேவைப்பட்டால் நேட்டோ படைகளை பின்லாந்தின் எல்லைகளுக்கு அனுப்பலாம். இது ரஷ்யாவிற்கு அச்சுறுத்தலாக இருக்கலாம் என்று கருதுகிறது. நேட்டோவில் பின்லாந்து இணைவதை ரஷ்யா கடுமையாக எதிர்க்கிறது.

ரஷ்ய பாதுகாப்பு அமைச்சர் செர்ஜி ஷோய்கு கூறுகையில், ‘பின்லாந்து நேட்டோவில் இணைந்ததால், உக்ரைனில் நடக்கும் போர் மற்ற பகுதிகளுக்கும் பரவும் அபாயம் அதிகரித்துள்ளது. “பெலாரஸின் போர் விமானங்கள் நமது அணு ஆயுதங்களைக் கொண்டு தாக்கும் திறன் அதிகரிக்கப்பட்டுள்ளது,” என்று அவர் கூறினார்.

இதன் மூலம் பின்லாந்துக்கு எதிராக போர் தொடுக்க ரஷ்யா முடிவு செய்துள்ளது. உக்ரைன் மீதான போரில் ரஷ்யப் படைகள் தீவிரமாக ஈடுபட்டுள்ளதால் பின்லாந்து மீது தாக்குதல் நடத்த வாய்ப்பு உள்ளதா என்ற கேள்வியும் எழுந்துள்ளது. மேலும் பின்லாந்து தாக்கப்பட்டால், நேட்டோ உறுப்பு நாடுகள் போராட்டத்தில் குதிக்கும். இதனால் அங்கு பதற்றமான சூழல் நிலவுகிறது.