இதன் மூலம், பாகிஸ்தானுக்கு விதிக்கப்பட்ட மொத்த நிபந்தனைகளின் எண்ணிக்கை 50 ஆக உயர்ந்துள்ளதாக எக்ஸ்பிரஸ் ட்ரிப்யூன் தெரிவித்துள்ளது. செய்தித்தாள் மேலும் கூறியதாவது:- நிதி நெருக்கடியில் உள்ள பாகிஸ்தானுக்கு 1 பில்லியன் டாலர் அல்லது ரூ.8,560 கோடி நிதி உதவி வழங்க IMF ஒப்புதல் அளித்துள்ளது. இருப்பினும், இதற்கு இந்தியா கடும் எதிர்ப்பு தெரிவித்தது.
பாகிஸ்தானுக்கு நிதி உதவி வழங்கும் முடிவை மறுபரிசீலனை செய்யவும் வலியுறுத்தப்பட்டது. இந்த சூழ்நிலையில், பாகிஸ்தானுக்கு அடுத்த தவணை நிதியை வழங்க IMF 11 நிபந்தனைகளை விதித்துள்ளது.
1. மூன்று ஆண்டுகளுக்கு மேல் பழமையான பயன்படுத்தப்பட்ட கார்களை இறக்குமதி செய்வதற்கு விதிக்கப்பட்ட கட்டுப்பாடுகள் நீக்கப்பட வேண்டும்.
2. 17.6 டிரில்லியன் ரூபாய் பட்ஜெட்டை நாடாளுமன்றம் அங்கீகரிக்க வேண்டும்.
3. எரிவாயு விலையை ஆண்டுக்கு இரண்டு முறை அதிகரிக்க வேண்டும். அடுத்த ஆண்டு பிப்ரவரி மாதத்திற்குள் உற்பத்தி செலவுக்கு ஏற்ப எரிவாயு விலையை அதிகரிக்க வேண்டும்.
4. மின்சார உற்பத்தி செலவை ஈடுகட்ட இந்த ஆண்டு ஜூலை 1-ம் தேதிக்குள் மின்சார கட்டணங்களை அதிகரிக்க வேண்டும்.
5. 2027-க்குப் பிறகு நிதியை எவ்வாறு பயன்படுத்த வேண்டும் என்பது குறித்த அறிக்கை தயாரிக்கப்பட வேண்டும்.
6. சர்வதேச நாணய நிதியத்தின் பரிந்துரைகளின் அடிப்படையில் ஒரு நிர்வாக செயல் திட்டத்தை வெளியிட வேண்டும்.
7. உரிய வரிகளை அடையாளம் காணுதல், பதிவு செய்தல் மற்றும் வசூலித்தல் குறித்த விழிப்புணர்வு பிரச்சாரங்களை நடத்த ஜூன் மாதத்திற்குள் நான்கு தனித்தனி குழுக்கள் அமைக்கப்பட வேண்டும்.
8. தொழில்துறை எரிசக்தி பயன்பாட்டை தேசிய மின் கட்டத்திற்கு மாற்ற மே மாத இறுதிக்குள் பாராளுமன்றத்தில் ஒரு சட்டம் நிறைவேற்றப்பட வேண்டும்.
9. ஜூன் மாதத்திற்குள் ஒரு யூனிட் மின்சார கட்டணத்திற்கு ரூ. 3.21 என்ற உச்சவரம்பை நீக்க ஒரு சட்டம் நிறைவேற்றப்பட வேண்டும்.
10. 2035-க்குள் தொழில்துறை பூங்காக்கள் மற்றும் மண்டலங்களுக்கான அனைத்து நிதி சலுகைகளையும் நீக்க பாகிஸ்தான் இந்த ஆண்டு இறுதிக்குள் ஒரு மாற்றுத் திட்டத்தைத் தயாரிக்க வேண்டும்.
11. IMF வழிகாட்டுதல்களின்படி 2026 நிதியாண்டுக்கான பட்ஜெட்டை IMF அங்கீகரிக்க வேண்டும். ஜூன் மாதத்திற்குள் இது முடிக்கப்பட வேண்டும். இந்த புதிய நிபந்தனைகள் பூர்த்தி செய்யப்படாவிட்டால் அடுத்த கட்ட நிதி உதவி விடுவிக்கப்படாது என்று IMF பாகிஸ்தானை எச்சரித்துள்ளது.
இது எக்ஸ்பிரஸ் ட்ரிப்யூன் செய்தித்தாளில் தெரிவிக்கப்பட்டது. பாகிஸ்தானுக்கு நிதி உதவி வழங்கப்பட்டால், அது பயங்கரவாத நடவடிக்கைகளுக்குப் பயன்படுத்தப்படும் என்று இந்தியா ஏற்கனவே கவலை தெரிவித்துள்ளது. இது தொடர்பாக IMF எந்த நிபந்தனைகளையும் விதிக்கவில்லை என்பது குறிப்பிடத்தக்கது.
