டெஹ்ரான்: அமெரிக்கா ஈரான் மீது நடத்தும் தாக்குதல்களை நிறுத்துவது சர்வதேச சமூகத்தின் பொறுப்பு என ஈரான் வெளியுறவு அமைச்சர் அராக்சி தெரிவித்துள்ளார். அணுசக்தி மையங்கள் பாதுகாப்பாக இயங்குகின்றன என்றும், தவறான குற்றச்சாட்டுகளின் பேரில் தாக்குதல் மேற்கொள்ளப்படுவதில் நியாயமில்லை என்றும் அவர் கூறினார்.
சமீபத்தில் அமெரிக்காவின் நடவடிக்கைகள் ஈரானுக்கு எதிரான தாக்குதல்களாகவே பார்க்கப்படுகின்றன. இதில், உலக நாடுகள் மௌனமாக இருக்காமல், ஆக்கிரமிப்பை கண்டிக்க வேண்டும் என அவர் வலியுறுத்தினார்.
அமெரிக்கா, கடந்த கால அணுசக்தி ஒப்பந்தத்தை கைவிட்டதுடன், தற்போதைய ராணுவ நடவடிக்கைகள் மூலம் பேச்சுவார்த்தைகளில் இடையூறு செய்யும் நோக்கத்தில் செயல்படுவதாக ஈரான் குற்றம்சாட்டியுள்ளது.
இத்தகைய சூழலில், சர்வதேச சட்டங்களை பாதுகாக்கும் வகையில், அமெரிக்க நடவடிக்கைகளை தடுப்பது அவசியமாகிறது. இல்லையெனில், எதிர்காலத்தில் எந்தவொரு சர்வதேச ஒழுங்கும் நிலவாது என அவர் எச்சரிக்கை விடுத்துள்ளார்.
அணுசக்தி ஆயுதங்கள் வைத்திருப்பதாக ஈரான் மீது சுமத்தப்படும் குற்றச்சாட்டு தவறானது. நாங்கள் எந்தவிதக் குற்றத்திலும் ஈடுபடவில்லை என்றும், சட்டப்படியான உரிமைகளை பாதுகாக்க உறுதியுடன் உள்ளோம் என்றும் அவர் தெரிவித்தார்.
பொதுமக்கள் மற்றும் அரசாங்கம் ஒன்று சேர்ந்து, அமெரிக்க ஆக்கிரமிப்புகளுக்கு எதிராக சத்தமாகக் குரல் கொடுப்பதாகவும், நாட்டின் பாதுகாப்பை உரிமையுடன் காக்கிறோம் என்றும் அவர் கூறினார்.
ஈரானுக்கு ஆதரவு தெரிவித்து பல நாடுகள் செயற்படத் தொடங்கியுள்ள நிலையில், இது போன்ற வலியுறுத்தல்கள் உலக நம்பிக்கையை பாதிக்கக்கூடியதாக அமையக்கூடும் என நிபுணர்கள் தெரிவிக்கின்றனர்.
