சீனா: சீனாவில் மெட்ரோ ரெயிலில் உட்கார இருக்கை தராத தகராறில் இளம்பெண்ணை தாக்கிய வழக்கில் 65 வயதுடைய முதியவர் கைது செய்யப்பட்டுள்ள சம்பவம் பரபரப்பை ஏற்படுத்தியுள்ளது.
சீனாவில் மெட்ரோ ரெயில் பயணம் என்பது அதிமுக்கியத்துவம் வாய்ந்தது. பெரும்பாலானவர்கள் மெட்ரோ ரெயில் பயணமே மேற்கொள்ளும் நிலையில் உட்கார இருக்கை தராத தகராறில் இளம்பெண்ணை தாக்கிய வழக்கில் 65 வயதுடைய முதியவர் கைது செய்யப்பட்டுள்ள சம்பவம் பரபரப்பை ஏற்படுத்தியுள்ளது.
பெய்ஜிங் சுரங்கப்பாதை லைன் 10-ல் இச்சம்பவம் நடைபெற்றுள்ளது. இதுதொடர்பான வீடியோ சமூக வலைத்தளங்களில் வைரலாகி வருகிறது. வைரலான வீடியோவில், முதியவர், ஒரு இளம்பெண்ணிடம் தனக்காக இருக்கையை விட்டு தருமாறு கேட்கிறார். இதற்கு அப்பெண் மறுப்பு தெரிவித்து வேறு யாருக்காவது தருவேன், உங்களுக்கு தரமாட்டேன் என்கிறார். இதனால் ஆத்திரமடைந்த முதியவர் தனது கைத்தடியை கொண்டும் கைகளாலும் அப்பெண்ணை தாக்குகிறார்.
இச்சம்பவம் குறித்து தகவல் அறிந்து வந்த போலீசார் முதியவரை கைது செய்துள்ளனர். வீடியோவை பார்த்த நெட்டிசன்கள் பலரும் தங்களது கருத்துக்களை தெரிவித்து வருகின்றனர்.
